२१

भट्टिकाव्यम्

This text does not support clickable word meanings.

समुत्क्षिप्य ततो वह्निर् मैथिलीं राममुक्तवान्

"काकुत्स्थ ! दयितां साध्वीं त्वमाशङ्किष्यथाः कथम्

Permalink Bookmark

ना भविष्यदियं शुद्धा यद्यपास्यमहं ततः

न चैनां, पक्षपातो मे धर्मादन्यत्र राघव !

Permalink Bookmark

अपि तत्ररिपुः सीतां ना ऽर्थयिष्यत दुर्मतिः,

क्रूरं जात्ववदिष्यच् च जात्वस्तोष्यच्छ्रियं स्वकाम्।

Permalink Bookmark

सङ्कल्पं ना ऽकरिष्यच् च तत्रेयं शुद्धमानसा,

सत्याऽमर्षमवाप्स्यस् त्वं रामः सीतानिबन्धनम्।

Permalink Bookmark

त्वया ऽद्रक्ष्यत किं ना ऽस्याः शीलं संवसता चिरम्,

अदर्शिष्यन्त वा चेष्टाः कालेन बधुना न किम्।

Permalink Bookmark

यावज्जिवमशोचिष्यो, ना ऽहास्यश् चेदिदं तमः,

भानुरप्यपतिष्यत् क्ष्मामक्षोभिष्यत चेदियम्।

Permalink Bookmark

समपत्स्यत राजेन्द्र ! स्त्रैणं यद्यत्र चापलम्,

लोकपाला इहायास्यंस् ततो ना ऽमी कलिद्रुहः।

Permalink Bookmark

आश्चर्यं यच्च यत्र स्त्री कृच्छ्रे ऽवर्त्स्यन् मते तव,

त्रासादस्यां विनष्टायां किं किमालप्स्यथाः फलम्।

Permalink Bookmark

यत्र यच्चा ऽमरिष्यत् स्त्री साध्वसाद् दोषवर्जिता

तदसूयारतौ लोके तस्या वाच्यास्पदं मृषा।

Permalink Bookmark

अमंत्स्य भवान् यद्वद् तथैव च पिता तव

नागमिष्यद् विमानस्थः साक्षाद् दशरथो नृपः।

Permalink Bookmark

ना ऽकल्प्स्यत् सन्निधिं स्थानुः शूली वृषभवाहनः

अन्वभाविष्यता ऽन्येन मैथिली चेत् पतिव्रता।

Permalink Bookmark

आनन्दयिष्यदागम्य कथं त्वामरविन्दसत्

राजेन्द्र ! विश्वसूर् धाता चारित्र्ये सीतया क्षते।

Permalink Bookmark

प्रणमन् ब्रह्मणा प्रोक्तो राजका ऽधिपतिस् ततः

"ना, शोत्स्यन् मैथिली लोके, नाचरिष्यदिदं यदि।

Permalink Bookmark

नाऽमोक्ष्याम वयं शङ्का मिहाधास्यन् न चेद् भवान्,

किं वा चित्रमिदं युक्तं, भवान् यदकरिष्यत।

Permalink Bookmark

प्रावर्तिष्यन्त चेष्टाश् चेद्याथातथ्यवत् तव,

अनुशास्ये त्वया लोके रामाऽवर्त्स्यंस्तरां ततः

Permalink Bookmark

प्राणमन्तम् ततो राममुक्तवानिति शङ्करः

"किं नारायणमात्मानं ना ऽभोत्स्यत भवानजम्।

Permalink Bookmark

को न्यो ऽकर्त्स्यदिह प्राणान् दृप्तानां च सुरद्विषाम्,

को वा विश्वजनीनेषु कर्मसु प्राघटिष्यत

Permalink Bookmark

दैत्यक्षये महाराज ! यच्च यत्रा ऽघटिष्यथाः

समाप्तिं जातु तत्रापि किं ना ऽनेष्यस् त्वमीहितम्।

Permalink Bookmark

तातं प्रसाद्य कैयेय्या भरताय प्रपीडितम्

सहस्रचक्षुषं रामो निनंसुः परिदृष्टवान्।

Permalink Bookmark

प्रेता वरेण शक्रस्य प्राणन्तः कपयस् ततः

संजाताः फलिनानम्ररोचिष्णुद्रुमसद्रवः।

Permalink Bookmark

भ्रमर कुलाकुलोल्बणसुगन्धिपुष्पतरुस् तरुणमधूकसम्भवपिशङ्गिततुङ्गशिखः

शिखरशिला ऽन्तरालपरिक्wxल्क़्क़्प्तजला ऽवसरः सरसफलश्रियं स विततान सुवेलगिरिः।

Permalink Bookmark

संवाद्भिः सकुसुमरेणुभिः समीरै रानम्रैर् बहुफलधारिभिर् वना ऽन्तैः

श्च्योतद्भिर् मधुपटलैश् च वानराणाम् आप्यानो रिपुवधसम्भवः प्रमोदः

Permalink Bookmark

आयान्त्यः स्वफलभरेण भङ्गुरत्वं भृङ्गालीनिचयचिता लतास् तरूणाम्

सामोदाः क्षितितलसंस्थिताऽवलोप्या भोक्त् णां ष्रममदयं न नीतवत्यः।

Permalink Bookmark