८ रघुवंशम् This text does not support clickable word meanings. अथ तस्य विवाहकौतुकं ललितं बिभ्रत एव पार्थिवः ।वसुधाम् अपि हस्तगामिनीम् अकरोद् इन्दुमतीम् इवापराम् ॥ ▼ Permalink Bookmark दुरितैर् अपि कर्तुम् आत्मसात् प्रयतन्ते नृपसूनवो हि यत् ।तद् उपस्थितम् अग्रहीद् अजः पितुर् आज्ञेति न भोगतृष्णया ॥ ▼ Permalink Bookmark अनुभूय वसिष्ठसंभृतैः सलिलैस् तेन सहाभिषेचनम् ।विशदोच्छवसितेन मेदिनी कथयाम् आस कृतार्थताम् इव ॥ ▼ Permalink Bookmark स बभूव दुरासदः परैर् गुरुणाथर्वविदा कृतक्रियः ।पवनाग्निसमागमो ह्य् अयं सहितं ब्रह्म यद् अस्त्रतेजसा ॥ ▼ Permalink Bookmark रघुम् एव निवृत्तयौवनं तम् अमन्यन्त नवेश्वरं प्रजाः ।स हि तस्य न केवलां श्रियं प्रतिपेदे सकलान् गुणान् अपि ॥ ▼ Permalink Bookmark अधिकं शुशुभे शुभंयुना द्वितयेन द्वयम् एव संगतम् ।पदम् ऋद्धम् अजेन पैतृकं विनयेनास्य नवं च यौवनम् ॥ ▼ Permalink Bookmark सदयं बुभुजे महाभुजः सहसोद्वेगम् इयं व्रजेद् इति ।अचिरोपनतां स मेदिनीं नवपाणिग्रहणां वधूम् इव ॥ ▼ Permalink Bookmark अहम् एव मतो महीपतेर् इति सर्वः प्रकृतिष्व् अचिन्तयत् ।उदधेर् इव निमगाशतेष्व् अभवन् नास्य विमानना क्वचित् ॥ ▼ Permalink Bookmark न खरो न च भूयसा मृदुः पवमानः पृथिवीरुहान् इव ।स पुरस्कृतमध्यमक्रमो नमयाम् आस नृपान् अनुद्धरन् ॥ ▼ Permalink Bookmark अथ वीक्स्य रघुः प्रतिष्ठितं प्रकृतिष्व् आत्मजम् आत्मवत् तया ।विषयेषु विनाशधर्मसु त्रिदिवस्तेष्व् अपि निःस्पृहो ऽभवत् ॥ ▼ Permalink Bookmark गुणवत्सुतरोपितश्रियः परिणामे हि दिलीपवंशजाः ।पदवीं तरुवल्कवाससां प्रयताः संयमिनां प्रपेदिरे ॥ ▼ Permalink Bookmark तम् अरण्यसमाश्रयोन्मुखं शिरसा वेष्टनशोभिना सुतः ।पितरं प्रणिपत्य पादयोर् अपरित्यागम् अयाचतात्मनः ॥ ▼ Permalink Bookmark रघुर् अश्रुमुखस्य तस्य तत् कृतवान् ईप्सितम् आत्मजप्रियः ।न तु सर्प इव त्वचं पुनः प्रतिपेदे व्यपवर्जितां श्रियम् ॥ ▼ Permalink Bookmark स कीलश्रमम् अन्त्यम् आश्रितो निवसन्न् आवसथे पुराद् बहिः ।समुपास्यत पुत्रभोग्यया स्नूषयेवाविकृतेन्द्रियः श्रिया ॥ ▼ Permalink Bookmark प्रशमस्थितपूर्वपार्थिवं कुलम् अभ्युद्यत नूतनेश्वरम् ।नभसा निभृतेन्दुना तुलाम् उदितार्केण समारुरोह तत् ॥ ▼ Permalink Bookmark यतिपार्थिवलिङ्गधारिणौ ददृशते रघुराघवौ जनैः ।अपवर्गमहोदयार्थयोर् भुवम् अंशाव् इव धर्मयोर् गतौ ॥ ▼ Permalink Bookmark अजिताधिगमाय मन्त्रिभिर् युयुजे नीतिविशरदैर् अजः ।अनपायिपदोपलब्धये रघुर् आप्तैः समियाय योगिभिः ॥ ▼ Permalink Bookmark समयुजय्त भूपतिर् युवा सचिवैः प्रत्यहम् अर्थसिद्धये ।अपुनर्जननोपत्तये प्रययाः संयमिभिर् मनीषिभिः ॥ ▼ Permalink Bookmark नृपतिः प्रकृतीर् अवेक्षितुम् व्यवहारासनम् आददे युवा ।परिचेतुम् उपांशु धारणां कुशपूतं प्रवयास् तु विष्टरम् ॥ ▼ Permalink Bookmark अनुरण्जयितुं प्रजाः प्रभुर् व्यहारासनम् आददे नवः ।अपरः शुचिविष्टरस्थितः परिचेतुं यतते स्म धारणाः ॥ ▼ Permalink Bookmark अनयत् प्रभुशक्तिसंपदा वशम् एको नृपतीन् अनन्तरान् ।अपरः प्रणिधानयोग्यया मरुतः पञ्च शरीरगोचरान् ॥ ▼ Permalink Bookmark नयचक्षुर् अजो दिदृक्षया पररन्ध्रस्य ततान मण्डले ।हृदये समरोपयन् मनः परमं ज्योतिर् अवेक्षितुं रघुः ॥ ▼ Permalink Bookmark अकरोद् अचिरेश्वरः क्षितौ द्विषदारम्भफलानि भस्मसात् ।अपरो दहने स्वकर्मणां ववृते ज्ञानमयेन वह्निना ॥ ▼ Permalink Bookmark पणबन्धमुखान् गुणान् अजः षड् उपायुङ्क्त समीक्ष्य तत्फलम् ।रघुर् अप्य् अजयद् गुणत्रयं प्रकृतिस्थं समलोष्टकाञ्चनः ॥ ▼ Permalink Bookmark न नवः प्रभुर् आ फलोदयात् स्थिरकर्मा विरराम कर्मणः ।न च योगविधेर् नवेतरः स्थिरधीर् आ परमात्मदर्शनात् ॥ ▼ Permalink Bookmark इति शत्रुषु चेन्द्रियेषु च प्रतिषिद्धप्रसरेषु जाग्रतौ ।प्रसिताव् उदयापवर्गयोर् उभयीं सिद्धिम् उभाव् अवापतुः ॥ ▼ Permalink Bookmark अथ काश्चिद् अजव्यपेक्षया गमयित्वा सम्दर्शनः समाः ।तमसः परम् आपद् अव्ययं पुरुषं योगसमाधिना रघुः ॥ ▼ Permalink Bookmark शुतदेहविसर्जनः पितुश् चिरम् अश्रूणि विमुच्य राघवः ।विदधे विधिम् अस्य नैष्ठिकं यतिभिः सार्धम् अनग्निम् अग्निचित् ॥ ▼ Permalink Bookmark अकरोत् स तदौर्ध्वदैहिकं पितृभक्त्या पितृकार्यकल्पवित् ।न हि तेन पथा तनुत्यजस् तनयावर्जितपिण्डकाङ्क्षिणः ॥ ▼ Permalink Bookmark स परार्ध्यगतेर् अशोच्यतां पितुर् उद्दिश्य सदर्थवेदिभिः ।शमिताधिर् अधिज्यकार्मुकः कृतवान् अप्रतिशासनं जगत् ॥ ▼ Permalink Bookmark क्षितिर् इन्दुमती च भामिनी पतिम् आसाद्य तम् अग्र्यपौरुषम् ।प्रथमा बहुरत्नसूर् अभूद् अपरा वीरम् अजीजनत् सुतम् ॥ ▼ Permalink Bookmark दशरास्मिशतोपमद्युतिं यशसा दिक्षु दशव् अपि श्रुतम् ।दशपूर्वरथं यम् आख्यया दशकण्ठारिगुरुं विदुर् बुधाः ॥ ▼ Permalink Bookmark ऋषिदेवगणस्वधाभुजां श्रुतयागप्रस्वैः स पार्थिवः ।अनृणत्वम् उपेयिवान् बभौ परिधेर् मुक्त इवोष्णदीधितिः ॥ ▼ Permalink Bookmark बलम् आर्तभयोपशान्तये विदुषां संनतये बहु श्रुतम् ।वसु तस्य न केवलं गुणवत्तापि परप्रयोजना ॥ ▼ Permalink Bookmark स कदाचिद् अवेषितप्रजः सह देव्या विजहार सुप्रजाः ।नगरोपवने शचीसखो मरुतां पालयितेव नन्दने ॥ ▼ Permalink Bookmark अथ रोधसि दक्षिणोदधेः श्रित गोकर्णनिकेतम् ईश्वरम् ।उपवीणयितुं ययौ रवेर् उदगावृत्तिपथेन नारदः ॥ ▼ Permalink Bookmark कुसुमैर् ग्रथिताम् अपार्थिवैः स्रजम् आतोद्यशिरोनिवेशिताम् ।अहरत् किल तस्य वेगवान् अधिवासस्पृहयेव मारुतः ॥ ▼ Permalink Bookmark भ्रमरैः कुसुमानुसारिभिः परिकीर्णा परिवादिनी मुनेः ।ददृशे पवनावलेपजं सृजती बाष्पम् इवाञ्जनाविलम् ॥ ▼ Permalink Bookmark अभिभूय विभूतिम् आर्तवीं मधुगन्धातिशयेन वीरुधाम् ।नृपतेर् अमरस्रग् आप सा दयितोरुस्तनकोटिसुस्थितिम् ॥ ▼ Permalink Bookmark क्षणमात्रसखीं सुजातयोः स्तनयोस् ताम् अवलोक्य विहला ।निमिमील नरोत्तमप्रिया हृतचन्द्रा तमसेव कौमुदी ॥ ▼ Permalink Bookmark वपुषा करणोज्झितेन सा निपतन्ती पतिम् अप्य् अपातयत् ।ननु तैलनिषेकबिन्दुना सह दीपार्चिर् उपैति मेदिनीम् ॥ ▼ Permalink Bookmark समम् एव नराधिपेन सा गुरुसंमोहविलुप्तचेतना ।गुरुसंमोहविलुप्तचेतना नवदीपार्चिर् इव क्षितेस् तलम् ॥ ▼ Permalink Bookmark उभयोर् अपि पार्श्ववर्तिनां तुमु लेनार्तरवेण वेजिताः ।विहगाः कमलाकरालयाः समदुःखा इव तत्र चुक्रुशुः ॥ ▼ Permalink Bookmark नृपतेर् व्यजनादिभिस् तमो नुनुदे सा तु तथैव संस्थिता ।प्रतिकारविधानम् आयुषः सति शेषे हि फलाय कल्पते ॥ ▼ Permalink Bookmark प्रतियोजयितव्यवल्लकीसमवस्थाम् अथ सत्त्वविप्लवात् ।स निनाय नितान्तवत्सलः परिगृह्योचितम् अङ्कम् अङ्गनाम् ॥ ▼ Permalink Bookmark स निनाय नितान्तवत्सलः परिवृत्तप्रथमच्छविं क्षणात् ।सलिलोद्धृतपद्मिनीनिभां दयिताम् अङ्कम् उदशुलोचनः ॥ ▼ Permalink Bookmark स निनाय नितान्तवत्सलः करणापायविभिन्नवर्णया ।समलक्ष्यत बिभ्रद् आविलां मृगलेखाम् उषसीव चन्द्रमाः ॥ ▼ Permalink Bookmark विललाप स बाष्पगद्गदं सहजाम् अप्य् अपहाय धीरताम् ।अभितप्तम् अयो ऽपि मार्दवं भजते कैव कथा शरीरिषु ॥ ▼ Permalink Bookmark कुसुमान्य् अपि गात्रसंगमात् प्रभवन्त्य् आयुर् अपोहितुं यदि ।न भविष्यति हन्त साधनं किम् इवानयत् प्रहरिष्यतो विधेः ॥ ▼ Permalink Bookmark अथ वा मृदु वस्तु हिंसितुं मृदुनैवारभते प्रजान्तकः ।हिमसेकविपत्तिर् अत्र मे नलिनी पूर्वनिदर्शनं मता ॥ ▼ Permalink Bookmark स्रग् इयं यदि जीवितापहा हृदये किं निहिता न हन्ति माम् ।विषम् अप्य् अमृतं क्वचिद् भवेद् अमृतं वा विषम् ईश्वरेच्छया ॥ ▼ Permalink Bookmark अथ वा मम भाग्यविप्लवाद् अशनिः कल्पित एष वेधसा ।यद् अनेन तरुर् न पातितस् क्षपिता तद्विटपाश्रितलता ॥ ▼ Permalink Bookmark कृतवत्य् असि नावधीरणाम् अपराध्हे ऽपि यदा चिरं मयि ।कथम् एकपदे निरागसं जनम् आभाष्यम् इमं न मन्यसे ॥ ▼ Permalink Bookmark ध्रुवम् अस्मि शठः शुचिस्मिते विधितः कैतववत्सलस् तव ।परलोकम् असंनिवृत्तये यद् अनापृच्छ्य गतासि माम् इतः ॥ ▼ Permalink Bookmark दयितां यदि तावद् अन्वगाद् विनिवृत्तं किम् इदं तया विना ।सहतां हतजीवितं मम प्रबलाम् आत्मकृतेन वेदनाम् ॥ ▼ Permalink Bookmark सुरतश्रमसंभृतो मुखे ध्रियते स्वेदलवोद्गमो ऽपि ते ।अथ चास्तमिता ऽस्य् अहो बत धिग् इमां देहभृताम् असारताम् ॥ ▼ Permalink Bookmark सुरतश्रमवारिबिन्दवो न हि तावद् विरमन्ति ते मुखे ।कथम् अस्तमिता ऽस्य् अहो बत धिग् इमाम् देहवताम् असारताम् ॥ ▼ Permalink Bookmark मनसापि न विप्रियं मया कृतपूर्वं तव किं जहासि माम् ।ननु शब्दपतिः क्षितेर् अहं त्वयि मे भावनिबन्धना रतिः ॥ ▼ Permalink Bookmark कुसुमोत्कचितान् वलीमतश् चलयन् भृङ्गरुचस् तवालकान् ।करभोरु करोति मारुतस् त्वदुपावर्तन्शङ्कि मे मनः ॥ ▼ Permalink Bookmark तद् अपोहितुम् अर्हसि प्रिये प्रतिबोधेन विषादम् आषु मे ।ज्वलितेन गुहागतं तमस् तुहिनाद्रेर् इव नतम् ओषधिः ॥ ▼ Permalink Bookmark इदम् उच्छ्वसितालकं मुखं विश्रान्तकथं दुनोति माम् ।निशि सुप्तम् इवैकपङ्कजं विरताभ्यन्तरषट्पदस्वनम् ॥ ▼ Permalink Bookmark शशिनं पुनर् एति शार्वरी दयिता द्वन्द्वचरं पतत्रिणम् ।इति तौ विर्हान्तरक्षमौ कथम् अत्यन्तगता न मां दहेः ॥ ▼ Permalink Bookmark नवपल्लवसंस्तरे ऽपि ते मृदु दूयेत यद् अङ्गम् अर्पितम् ।तद् इदं विषहिष्यते कथं वद वामोरु चिताधिरोहणम् ॥ ▼ Permalink Bookmark इयम् अप्रतिबोधशायिनीं रशना त्वां प्रथमा रहःसखी ।गतिविभ्रमसाद नीरवा न शुचा नानुमृतेव लक्ष्य्ते ॥ ▼ Permalink Bookmark कलम् अन्यभृतासु भाषितं कलहंसीषु गतं मदालसं ।पृटतीषु विलोलम् ईक्षितं पवनाधूतलतासु विभ्रमः ॥ ▼ Permalink Bookmark त्रिदिवोत्सुकयाप्य् अवेक्ष्य मां निहिताः सत्यम् अमी गुणास् त्वया ।विरहे तव मे गुरुव्यथं हृदयं न त्व् अवलम्बितुं क्षमाः ॥ ▼ Permalink Bookmark मिथुनं परिकल्पितं त्वया सहकारः फलिनी च नन्व् इमौ ।अविधाय विवाहसत्क्रियाम् अनयोर् गम्यत इव्य् असांप्रतम् ॥ ▼ Permalink Bookmark कुसुमं कृतदोहदस् त्वया यद् अशोको ऽयम् उदीरयिष्यति ।अलकाभरणं कथं नु तत् तव नेष्यामि निवापलाल्यताम् ॥ ▼ Permalink Bookmark स्मरतेव सशब्दनूपुरं चरणानुग्रहम् अन्यदुर्लभम् ।अमुना कुसुमाश्रुवर्षिणा त्वम् अशोकेन सुगात्रि शोच्यसे ॥ ▼ Permalink Bookmark तव निःश्वसितानुकारिभिर् बकुलैर् अर्धचितां समं मया ।असमाप्य विलासमेखलां किम् इदं किंनरकण्ठि सुप्यते ॥ ▼ Permalink Bookmark समदुःखसुखः सखीजनः प्रतिपच्चन्द्रनिभो ऽयम् आत्मजः ।अहम् एकरसस् तथापि ते व्यवसायः प्रतिपत्तिनिष्ठुरः ॥ ▼ Permalink Bookmark धृतिर् अस्तमिता रतिश् च्युता विरतं गेयम् ऋतुर् निरुत्सवः ।गतम् आभरणप्रयोजनं परिशून्यं शयनीयम् अद्य मे ॥ ▼ Permalink Bookmark गृहिणी सचिवः सखी मिथः प्रियशिष्या ललिते कलाविधौ ।करुणाविमुखेन मृत्युना हरता त्वां वद किं न मे हृतम् ॥ ▼ Permalink Bookmark मदिराक्षि मदाननार्पितं मधु पीत्वा रसवत् कथं नु मे ।अनुपास्यसि बाष्पदूषितं परलोकोपनतं जलाञ्जलिम् ॥ ▼ Permalink Bookmark विभवे ऽपि सति त्वया विना सुखम् एतावद् अजस्य गण्यताम् ।अहृतस्य विलोभनान्तरैर् मम सर्वे विषयास् तदाश्रयाः ॥ ▼ Permalink Bookmark विलपन्न् इति कोसलाधिपः करुणार्थग्रथितं प्रियां प्रति ।अकरोत् पृथिवीरुहान् अपि स्रुतशाखारसभाष्पदुर्दिनान् ॥ ▼ Permalink Bookmark अथ तस्य कथंचिद् अङ्कतः स्वजनस् ताम् अपनीय सुन्दरीं ।विससर्ज कृतान्त्यमण्डनाम् अनलाय्ऽ; आगुरुचन्दनदिहसे ॥ ▼ Permalink Bookmark प्रमदाम् अनु संस्थितः शुचा नृपतिः सन्न् इति वाच्यदर्शनात् ।न चकार शरीरम् अग्निसात् सह देव्या न तु जीविताशया ॥ ▼ Permalink Bookmark अथ तेन दशाहतः परे गुणशेषां उपदिष्य गेहिनीम् ।विदुषा विधयो महर्द्धयः पुर एवोपवने समापिताः ॥ ▼ Permalink Bookmark स विवेश पुरीं तया विना क्षणदापायशशाङ्कदर्शनः ।परिवाहम् इवावलोकयन् स्वशुचः पौरवधूमुखाश्रुषु ॥ ▼ Permalink Bookmark अथ तं सवनाय दिषितः प्रणिधानाद् गुरुर् आश्रमस्थितः ।अभिषङ्गजडं विजज्ञिवान् इति शिष्येण किलान्वबोधयत् ॥ ▼ Permalink Bookmark असमाप्तविधिर् यतो मुनिस् तव विद्वान् अपि तापकारणम् ।न भवन्तम् उपस्थितः स्वयं प्रकृतौ स्थापयितुं कृतस्थितिः ॥ ▼ Permalink Bookmark मयि तस्य सुवृत्त वर्तते लघुसंदेशपदा सरस्वती ।शृणु विश्रुतसत्त्वसार तां हृदि चैनाम् उपधातुम् अर्हसि ॥ ▼ Permalink Bookmark पुरुषस्य पदेष्व् अजन्मनः समतीतं च भवच् च भावि च ।स हि निष्प्रतिघेन चक्षुषा त्रितयं ज्ञानमयेन पश्यति ॥ ▼ Permalink Bookmark चरतः किल दुश्चरं तपस् तृणबिन्दोः परिशङ्कितः पुरा ।प्रजिघाय समाधिबेदिनीं हरिर् अस्मै हरिणीं सुराङ्गनाम् ॥ ▼ Permalink Bookmark स तपःप्रतिबन्धमन्युना प्रमुखाविष्कृतचारुविभ्रमाम् ।अशपद् भव मानुषीति तां शमवेलाप्रलयोर्मिणा मुनिः ॥ ▼ Permalink Bookmark भगवन् परवान् अयं जनः प्रतिकूलाचरितं क्षमस्व मे ।इति चोपनतां क्षितिपृशं विवशा शापनिवृत्तिकारणम् ॥ ▼ Permalink Bookmark क्रथकैशिकवंशसंभवा तव भूत्वा महिषी चिराय सा ।उपलब्धवती दिवश् च्युतं विवशा शापनिवृत्तिकारणम् ॥ ▼ Permalink Bookmark तद् अलं तदपायचिन्तया विपद् उत्पत्तिमताम् उपस्थिता ।वसुधेयम् अवेक्ष्यतां त्वया वसुमत्या हि नृपाः कलत्रिणः ॥ ▼ Permalink Bookmark उदये मदवाच्यम् उज्झता श्रुतम् आविष्कृतम् आत्मवत्तया ।मनसस् तद् उपस्थिते ज्वरे पुनर् अक्लीबतया प्रकाश्यतां ॥ ▼ Permalink Bookmark रुदता कुत एव सा पुनर् भवता नानुमृतापि लभ्यते ।परलोकजुषां स्वकर्मभिर् गतयो भिन्नपथा हि देहिनाम् ॥ ▼ Permalink Bookmark रुदितेन न सा निवर्तते नृप तत् तावद् अन्र्थकं तव ।न भवान् अनुसंस्थितो ऽपि तां लभते कर्मवशा हि देहिनः ॥ ▼ Permalink Bookmark अपशोकमनाः कुटुम्बिनीम् अनुगृह्णीष्व निवापदत्तिभिः ।स्वजनाश्रु किलात्रिसंततं दहति प्रेतम् इति प्रचक्षते ॥ ▼ Permalink Bookmark मरणं प्रकृतिः शरीरिणां विकृतिर् जीवितम् उच्यते बुधैः ।क्षणम् अप्य् अवतिष्ठते श्वसन् यदि जन्तुर् ननु लाभवान् असौ ॥ ▼ Permalink Bookmark अवगच्छति मूढचेतनः प्रियनाशं हृदि शल्यम् अर्पितम् ।स्थिरधीस् तु तद् एव मन्यते कुशलद्वारतया समुद्धृतम् ॥ ▼ Permalink Bookmark अवगच्छति मूढचेतनः श्रुत धृतसंयोगविपर्ययौ यदा ।विरहः किम् इवानुतापयेद् वद बाह्यैर् विषयैर् विपश्चितम् ॥ ▼ Permalink Bookmark न पृथग्जनवच् छुचो वशं वशिनाम् उत्तम गन्तुम् अर्हसि ।द्रुमसानुमतां किम् अन्तरं यदि वायौ द्वितये ऽपि ते चलाः ॥ ▼ Permalink Bookmark स तथेति विनेतुर् उदारमतेः प्रतिगृह्य वचो विससर्ज मुनिम् ।तद् अलब्धपदं हृदि शोकघने प्रतियातम् इवान्तिकम् अस्य गुरोः ॥ ▼ Permalink Bookmark तेनाष्टौ परिगमिताः समाः कथंचिद् बालत्वाद् अवितथसूनृतेन सूनोः ।सादृश्यप्रतिकृतिदर्शनैः प्रियायाः स्वप्नेषु क्षणिकसमागम्तोसवैश् च ॥ ▼ Permalink Bookmark तस्य प्रसह्य हृदयं किल शोकशङ्कुः प्लक्षप्ररोह इव सौधतलं बिभेद ।प्राणान्तहेतुम् अपि तं भिषजाम् असाध्यं लाभं प्रियानुगमने त्वरया स मेने ॥ ▼ Permalink Bookmark सम्यग्विनीतम् अथ वर्महरं कुमारम् आदिश्य रक्षणविधौ विधिवत् प्रजानाम् ।रोगोपसृष्टतनुदुर्वसतिं मुमुक्षुः प्रायोपवेशनमतिर् नृपतिर् बभूव ॥ ▼ Permalink Bookmark तीर्थे तोयव्यतिकरभवे जह्नुकन्यासर्य्वोर् देहत्यागाद् अमरगणनालेख्यम् आसाद्य सद्यः ।पूर्वाकाराधिकतररुचा संगतः कान्तयासौ लीलागारेष्व् अरमत पुनर् नन्दनाभ्यन्तरेषु ॥ ▼ Permalink Bookmark ▼ Edit Permalink Bookmark × (choose dictionary) ▼ Sanskrit-English Apte (1890) Monier-Williams (1899) Shabdasagara (1900) Sanskrit-Sanskrit Vācaspatyam (1873) Śabdakalpadrumaḥ (1886) Koshas Amarakosha Sanskrit-Hindi Apte Sanskrit-Hindi Kosh (1966) Sanskrit-Kannada Shabdarthakaustubha