शिवगीतम्

Click on words to see what they mean.

उद्दीप्यत् किरणं चित्रं श्रीशरणम् ।

कामारेश्चरणं भूयाञन्नः शरणम् ॥ १ ॥

Edit Permalink Bookmark

सत्यः कोऽपि शिवो नित्यः पालयिता ।

मध्ये यो जगतां स ध्येयः सततम् ॥ २ ॥

Edit Permalink Bookmark

नास्त्येतस्य वपुर्वस्त्ये क्वापि न सः ।

मत्याऽभाणि बुधैः सत्याधारपदम् ॥ ३ ॥

Edit Permalink Bookmark

उक्तं सूक्ष्मतमं द्वेधैकं परमम् ।

रूपं रूपतया किं च स्थानतया ॥ ४ ॥

Edit Permalink Bookmark

सोऽणुः स्यादणुतो धातैषां जगताम् ।

तच्छक्तिर्महतो विज्ञेया महती ॥ ५ ॥

Edit Permalink Bookmark

गत्वा तिष्ठति ना यत्स्वं हार्दपदम् ।

अग्राह्यस्य विभोस्तस्य ध्यानमिदम् ॥ ६ ॥

Edit Permalink Bookmark

आत्मानं जगतां राजानं पितरम् ।

आचार्यं च मुहुः सङ्गायामि हरम् ॥ ७ ॥

Edit Permalink Bookmark

दीप्यन्तं दिवि तं लोके सर्वभुजम् ।

भूतेशं प्रणुमो मायाकान्तमजम् ॥ ८ ॥

Edit Permalink Bookmark

दृश्ये विश्वतनुं पारे निर्वपुषम् ।

गायामः परमं भञक्तज्ञानपुषम् ॥ ९ ॥

Edit Permalink Bookmark

अष्टौ ते तनवः त्रातर्विश्वमिदम् ।

वक्त्येतद्भवते माहात्म्यं विशदम् ॥ १० ॥

Edit Permalink Bookmark

सर्वेषां जगतां माता देवनुता ।

ईशान त्रिगुणा माया ते दयिता ॥ ११ ॥

Edit Permalink Bookmark

शक्त्यासौ भुवनं सृष्ट्वा पातुमिदम् ।

हैमं दिव्यवपुर्जग्राहाभयदम् ॥ १२ ॥

Edit Permalink Bookmark

सूक्ष्मं स्यादगुणं हैमं स्यात्सगुणम् ।

देवस्यादिविभोरेवं द्वे वपुषी ॥ १३ ॥

Edit Permalink Bookmark

भाषामात्रवपुः पूर्वं स्यादवपुः ।

अन्यद्बुद्धिमतां ध्यानग्राह्यवपुः ॥ १४ ॥

Edit Permalink Bookmark

बिभ्रद्भाति जगत्साम्राज्यं गगने ।

हैमोऽसौ पुरुषः सिद्धानां भुवने ॥ १५ ॥

Edit Permalink Bookmark

इन्द्रो वेदविदां भाषायां सपरः ।

नाथस्तन्त्रविदां व्याहारेषु हरः ॥ १६ ॥

Edit Permalink Bookmark

प्रत्युष्णांशुतया तन्वा बिम्बितया ।

प्रत्यण्डं प्रभुतां धत्ते सोऽद्भुतया ॥ १७ ॥

Edit Permalink Bookmark

अभ्रे राजति यो बिभ्राणो भुवनम् ।

शुभ्रागे च विभुः सभ्राजिष्णुयशाः ॥ १८ ॥

Edit Permalink Bookmark

गौरोऽयं गगने शुक्लः शुभ्रनगे ।

एकेयं तु भिदा मायारूपकृता ॥ १९ ॥

Edit Permalink Bookmark

रुद्रः शुक्लगिरावग्निर्वा स पुमान् ।

ईशो व्योम्नि लसन्निन्द्रो वा सुमहान् ॥ २० ॥

Edit Permalink Bookmark

हैमं भूतपते शुक्लं वा शिव ते ।

रूपं यः स्मरति प्राज्ञोऽयं जयति ॥ २१ ॥

Edit Permalink Bookmark

अभ्रे ये मरुतः शुभ्रे भूभृति ते ।

क्लेशानां दमना ईशान प्रमथाः ॥ २२ ॥

Edit Permalink Bookmark

दासोऽहं मरुतः पातारो जगतः ।

भूता वा भवतां स्तोता पापहृताम् ॥ २३ ॥

Edit Permalink Bookmark

पायान्मामभितस्तिष्ठन्तं तपसि ।

बिभ्राणः स शिवः कारुण्यं मनसि ॥ २४ ॥

Edit Permalink Bookmark

गातारं गणपं गायत्रैर्मुकुलैः ।

ईशो यो जयतात्सर्वैश्चापि बलैः ॥ २५ ॥

Edit Permalink Bookmark

॥ इति श्रीभगवन्महर्षिरमणान्तेवासिनो वासिष्ठस्य नरसिंहसूनो- र्गणपतेः कृतिः शिवगीतं समाप्तम् ॥

Edit Permalink Bookmark