2023-02-19 10:58:02 by manu_css
This page has been fully proofread once and needs a second look.
काचिन्नदी । तोयक्रीडाविरतयुवतिस्नानतिक्तैः चिरं जले विहृत्य ततो
निवृत्तानां तरुणीनां स्नानेन; स्नानमिति स्नानोपकरणभूतगन्धद्रव्यो-
पलक्षणम् । 'स्नानीयेऽभिषवे स्नानम्' इति वैजयन्ती । तेन सु-
रभिभिः । अत्र गन्धवत्या परिभोगे इन्दीवरपरागगन्धसंपर्कमात्रम्,
युवतिजनसंश्लेषे तु स्पृहणीयपरिमलविशिष्टत्वं च मरुत इति गन्ध-
शब्दतिक्तशब्दाभ्यां गन्धवत्या युवतीनां व्यतिरेको ध्वन्यते । तद्दर्श-
नाच्च चमत्कारेण मत्सरेण वा सहृदयतया कामुकान्तरत्वेन वा तरलि
तमुद्यानं यत्र । अनेन विशिष्टनायिकान्तरपरिरम्भोपलम्भनिर्वृतस्य
मरुतो यत्किंचित्कारितालक्षणो मदो व्यज्यते । अत्र च पूर्वे 'स त्वयै-
वोपपाद्यः' इति जलमोक्षणस्योकेरिदानीं शिप्रागन्धवत्योः प्रसङ्गाच
उभयोर्यथारुचि जलपानं त्वयान्यतरस्यां विधेयमित्युक्तं वेदितव्यम् ।
अत्र स्मरणमुदात्तं चालंकारः ॥ ३३ ॥
अप्यन्यस्मिञ्जलधर महाकालमासाद्य काले
स्थातव्यं ते नयनविषयं यावदत्येति भानुः ।.
कुर्वन्संध्याबलिपटहतां शूलिनः श्लाघनीया-
मामन्द्राणां फलमविकलं लप्स्यसे गर्जितानाम् ॥
-
अथ देवदेवस्य सेवासमयमुपदिशन्, सेवाप्रकारमाह - अप्यन्य-
स्मिन्निति । अन्यस्मिन् काले पूर्वाह्
सूचितत्वात् जलधरेत्यामन्त्रणम् ; ननु जलधरस्त्वम्, अतोऽपेक्षितस्थ-
लेषु वर्षणेन त्वया कालविनोदः कर्तुं शक्यः; चिरावस्थानचोद्यस्यापि