अप्रकाशिता उपनिषदः /493

<page>
<p>श्रीविद्यातारकोपनिषत्
</p>
<metadata>div.n = 3</metadata>
<heading>तृतीयः पादः
 
</heading>
<ignore>४७१
 
</ignore>
<p>यत्र सुप्तो न कञ्चन कामं कामयते तत्सुषुप्तम् । पश्यन्ति यत् सुषु -

प्तिस्थान एकीभूतप्रज्ञानघन एवानन्देऽभूत् । इच्छाशक्तिरूपां स्वप्नावस्थान-

सुषुप्तिदशाधिष्ठायिनीं सानन्दकलां तृतीयकूटां मन्यन्ते ।
 
</p>
<trailer>इति तृतीयः पादः
 
</trailer>
<metadata>div.n = 4</metadata>
<heading>चथुर्थ: पाद:
 
</heading>
<p>एषा सर्वेश्वर्येषा सर्वोत्तमेमैषान्तर्याम्येषा योनिः सर्वेषां प्रभवाप्ययौ हि

भूतानाम् । नोभयतः प्रज्ञां प्रज्ञानघनां न प्रज्ञां नाप्रज्ञामदृष्टामव्यवहार्याम-

ग्राह्यामलक्षणामचिन्त्यामव्यपदेश्यामेकात्मप्रत्यय सारां प्रपञ्चोपशमनीं शान्तां

शिवामद्वैतां षोडशाक्षरीरीं स्फुरत्तादृशाधिष्ठायिनीं चतुर्थखण्डात्मिकां मन्यन्ते ।

सात्मा विज्ञेया । सदोज्ज्वलाविद्या । तत्कार्यहीना स्वात्मबन्धहरा सर्वदा-

द्वैतानन्दरूपा सर्वाधिष्ठानसन्मात्रा निरस्ताविद्यातमोमोहाहमेवेति संभाव्या-

हममों तत्सद्यत् परंब्रह्म चतुष्कूटा परंज्योतिस्साहमोमित्यात्मानमादाय मनसा

चतुष्कूटामेककार्योयं तदा चतुष्कूटाहमिति तत्पराः प्रवदन्ति । येन ते

संसारिण आत्मना विरागा एव । न संसारिणः । य एवं वेद स मुक्तो

भवति स मुक्तो भवति इत्यगस्त्यः । इत्युपनिषत् ।
 
</p>
<trailer>इति चतुर्थ: पाद:
 
</trailer>
<trailer>इति श्रीविद्यातारकोपनिषत् समाप्ता
 
</trailer>
</page>