The Works of Sri Sankaracharya, Volume 18 (Stotras, Vol. 2) /45

<page>
<ignore>श्रीविष्णु भुजंगप्रयातस्तोत्रम् ।
 
</ignore>
<verse>कफव्याहतोष्णोल्बणश्वासवेग-
 

व्यथाविष्फुरत्सर्वमर्मास्थिबन्धाम् ।

विचिन्त्याहमन्त्यामसंख्यामवस्थां
 

बिभेमि प्रभो किं करोमि प्रसीद ॥ १२ ॥
 
</verse>
<verse>लपन्नच्युतानन्त गोविन्द विष्णो

मुरारे हरे नाथ नारायणेति ।

यथानुस्मरिष्यामि भक्त्या भवन्तं
 

तथा मे दयाशील देव प्रसीद ॥ १३ ॥
 
</verse>
<verse>भुजंगप्रयातं पठेद्यस्तु भक्त्या
 

समाधाय चित्ते भवन्तं मुरारे ।

स मोहं विहायाशु युष्मत्प्रसादा-
 

त्समाश्रित्य योगं व्रजत्यच्युतं त्वाम् ॥ १४ ॥
 
</verse>
<trailer>इति श्रीमत्परमहंसपरिव्राजकाचार्यस्य श्रीगोविन्दभग-

वत्पूज्यपादशिष्यस्य श्रीमच्छंकरभगवतः कृतौ

श्रीविष्णुभुजंगप्रयातस्तोत्रं संपूर्णम् ॥
 
</trailer>
<ignore>२१
 
</ignore>
</page>