The Works of Sri Sankaracharya, Volume 18 (Stotras, Vol. 2) /152

<page>
<ignore>१२८
 
</ignore>
<ignore>शिवपञ्चाक्षरनक्षत्रमालास्तोत्रम् i
 
</ignore>
<verse>सेवकाय मे मृड प्रसीद ते नमः शिवाय
 

भावलभ्य तावकप्रसाद ते नमः शिवाय ।
 

पावकाक्ष देवपूज्यपाद ते नमः शिवाय
 

तावकाङ्घ्रिभक्तदत्तमोद ते नमः शिवाय ॥ २४ ॥
 
</verse>
<verse>भुक्तिमुक्तिदिव्य भोगदायिने नमः शिवाय
 

शक्तिकल्पितप्रपञ्चभागिने नमः शिवाय ।
 

भक्तसंकटापहारयोगिने नमः शिवाय
 
..
युक्तसन्मन: नःसरोजयोगिने नमः शिवाय ॥ २५ ॥
 
</verse>
<verse>अन्तकान्तकाय पापहारिणे नमः शिवाय
 

शान्तमायदन्तिचर्मधारिणे नमः शिवाय ।
 

संतताश्रितव्यथाविदारिणे नमः शिवाय

जन्तुजातनित्यसौख्यकारिणे नमः शिवाय ॥ २६ ॥
 
</verse>
<verse>शूलिने नमो नमः कपालिने नमः शिवाय
 

पालिने विरिञ्चितुण्डमालिने नमः शिवाय ।
 

लीलिने विशेषरुण्डमालिने नमः शिवाय
 

शीलिने नमः प्रपुण्यशालिने नमः शिवाय ॥ २७॥
 
</verse>
</page>