The Works of Sri Sankaracharya, Volume 18 (Stotras, Vol. 2) /143

<page>
<p>॥ श्रीः ॥
 

॥ भ्रमराम्बाष्टकम् ॥
 
*
 
-
 
</p>
<verse>चाञ्चल्यारुणलोचनाश्ञ्चितकृपाचन्द्रार्कचूडामणिं
 

चारुस्मेरमुखां चराचरजगत्संरक्षणीं तत्पदाम् ।
चश्
चञ्चच्चम्पकनासिकाग्रविलसन्मुक्तामणीरञ्जितां
 

श्रीशैलस्थलवासिनीं भगवतीं श्रीमातरं भावये ॥ १ ॥
 
</verse>
<verse>कस्तूरी तिलकाञ्चितेन्दु विलसत्प्रोद्भासि फालस्थलीं
 

कर्पूरद्रवमिश्रचूर्णखदिरामोदोल्लसद्वीटिकाम् ।

लोलापाङ्गतरङ्गितैरधिकृपासारैर्नतानन्दिनीं
 

श्रीशैलस्थलवासिनीं भगवतीं श्रीमातरं भावये ॥ २ ॥
 
</verse>
<verse>राजन्मत्तमरालमन्दगमनां राजीवपत्रेक्षणां
 

राजीवप्रभवादिदेवमकुटै राजत्पदाम्भोरुहाम् ।
 

राजीवायतमन्दमण्डितकुचां राजाधिराजेश्वरीं
 

श्रीशैलस्थलवासिनीं भगवतीं श्रीमातरं भावये ॥ ३ ॥
 
</verse>
</page>