<page>
<ignore>एकादशोऽध्यायः ।
 
३३५
 
</ignore>
<p>भक्त्या तु किंविशिष्टया इति आह— अनन्यया

अपृथग्भूतया, भगवतः अन्यत्र पृथक् न कदाचिदपि या

भवति सा त्वनन्या भक्तिः । सर्वैरपि करणैः वासुदेवा-

दन्यत् न उपलभ्यते यया, सा अनन्या भक्तिः, तया

भक्त्या शक्यः अहम् एवंविधः विश्वरूपप्रकार :रः हे अर्जुन,

ज्ञातुं शास्त्रतः । न केवलं ज्ञातुं शास्त्रतः, द्रष्टुं च साक्षा-

त्कर्तुं तत्त्वेन तत्त्वतः, प्रवेष्टुं च मोक्षं च गन्तुं परंतप ॥
 
</p>
<p>अधुना सर्वस्य गीताशास्त्रस्य सारभूतः अर्थः निःश्रेय-

सार्थः अनुष्ठेयत्वेन समुच्चित्य उच्यते--
 
—</p>
<verse>मत्कर्मकृन्मत्परमो
 

मद्भक्तः सङ्गवर्जितः ।
 

निर्वैरः सर्वभूतेषु
 

यः स मामेति पाण्डव ॥ ५५ ॥
 
</verse>
<trailer>इति श्रीमहाभारते शतसाहस्रयां संहितायां वैयासिक्यां

भीष्मपर्वणि श्रीमद्भगवद्गीतासूपनिषत्सु ब्रह्म-
 

विद्यायां योगशास्त्रे श्रीकृष्णार्जुनसंवादे

विश्वरूपदर्शनयोगो नाम
 

एकादशोऽध्यायः ॥
 
</trailer>
</page>