<page>
<ignore>२७४
 
श्रीमद्भगवद्गीताभाष्ये
 
</ignore>
<p>मार्थम्, कौन्तेय प्रतिजानीहि निश्चितां प्रतिज्ञां कुरु, न

मे मम भक्त: मयि समर्पितान्तरात्मा मद्भक्तः न प्रणश्यति
 

इति ॥
 
</p>
<p>किंच--
 
-</p>
<verse>मां हि पार्थ व्यपाश्रित्य
 

येsऽपि स्युः पापयोनयः ।
 

स्त्रियो वैश्यास्तथा शूद्रा-
 

स्तेऽपि यान्ति परां गतिम् ॥ ३२ ॥
 
</verse>
<p>मां हि यस्मात् पार्थ व्यपाश्रित्य माम् आश्रयत्वेन गृहीत्वा

येsऽपि स्युः भवेयुः पापयोनयः पापा योनिः येषां ते पाप-

योनयः पापजन्मानः । के ते इति, आह— स्त्रियः वैश्याः

तथा शूद्राः तेऽपि यान्ति गच्छन्ति परां प्रकृष्टां गतिम् ॥
 
</p>
<verse>किं पुनर्ब्राह्मणाः पुण्या
 

भक्ता राजर्षयस्तथा ।

अनित्यमसुखं लोक-
 

मिमं प्राप्य भजस्व माम् ॥ ३३ ॥
 
</verse>
<p merge-next="true">किं पुनः ब्राह्मणाः पुण्याः पुण्ययोनयः भक्ताः राजर्षयः
 
</p>
</page>