<page>
<ignore>२७०
 
श्रीमद्भगवद्गीताभाष्ये
 
</ignore>
<verse>भूतानि यान्ति भूतेज्या
 

यान्ति मद्याजिनोऽपि माम् ॥ २५ ॥
 
</verse>
<p>यान्ति गच्छन्ति देवत्रता:व्रताः देवेषु व्रतं नियमो भक्तिश्च

येषां ते देवत्व्रता: देवान् यान्ति । पितृन् अग्निष्वात्तादीन्

यान्ति पितृव्रताः श्राद्धादिक्रियापराः पितृभक्ता:ताः । भूतानि

विनायकमातृगणचतुर्भगिन्यादीनि यान्ति भूतेज्याः भूतानां

पूजकाः । यान्ति मद्याजिनः मद्यजनशीला:लाः वैष्णवाः मा-

मेव यान्ति । समाने अपि आयासे मामेव न भजन्ते

अज्ञानात्, तेन ते अल्पफलभाजः भवन्ति इत्यर्थः ॥
 
</p>
<p>न केवलं मद्भक्तानाम् अनावृत्तिलक्षणम् अनन्तफलम्,

सुखाराधनश्च अहम् । कथम् ? -
 
-
 
-</p>
<verse>पत्रं पुष्पं फलं तोयं
 

यो मे भक्त्या प्रयच्छति ।
 

तदहं भक्त्युपहृत-
 

मश्नामि प्रयतात्मनः ॥ २६ ॥
 
</verse>
<p>पत्रं पुष्पं फलं तोयम् उदकं यः मे मह्यं भक्त्या प्रय-

च्छति, तत् अहं पत्रादि भक्त्या उपहृतं भक्तिपूर्वकं प्रापितं

भक्त्युपहृतम् अश्नामि गृह्णामि प्रयतात्मनः शुद्धबुद्धेः ॥
 
</p>
</page>