<page>
<ignore>अष्टमोऽध्यायः ।
 
२४१
 
</ignore>
<p>मूर्ध्नि आधाय आत्मन:नः प्राणम् आस्थितः प्रवृत्तः योगधारणां
 

धारयितुम् ॥
 
</p>
<p>तत्रैव च धारयन् --
 
—</p>
<verse>ओमित्येकाक्षरं ब्रह्म
 

व्याहरन्मामनुस्मरन् ।
 

यः प्रयाति त्यजन्देहं
 

स याति परमां गतिम् ॥ १३ ॥
 
</verse>
<p>ओमिति एकाक्षरं ब्रह्म ब्रह्मणः अभिधानभूतम् ओंकारं

व्याहरन् उच्चारयन्, तदर्थभूतं माम् ईश्वरम् अनुस्मरन्

अनुचिन्तयन् यः प्रयाति म्रियते, सः त्यजन् परित्यजन्

देहं शरीरम् — '‘त्यजन् देहम्'’ इति प्रयाणविशेषणार्थम्

देहत्यागेन प्रयाणम् आत्मनः, न स्वरूपनाशेनेत्यर्थः — सः

एवं याति गच्छति परमां प्रकृष्टां गतिम् ॥
 
</p>
<p>किंच
 
---</p>
<verse>अनन्यचेताः सततं यो मां स्मरति नित्यशः ।

तस्याहं सुलभः पार्थ नित्ययुक्तस्य योगिनः ॥
: १४ ॥</verse>
<p>अनन्यचेताः न अन्यविषये चेतः यस्य सोऽयम् अनन्य-

चेताः, योगी सततं सर्वदा यः मां परमेश्वरं स्मरति नित्यशः ।
 
</p>
<ignore>S. B. 16
 
</ignore>
</page>