<page>
<ignore>२३८
 
किंच-
 
श्रीमद्भगवद्गीताभाप्ष्ये
 
</ignore>
<p>किंच —</p>
<verse>प्रयाणकाले मनसाचलेन
 

भक्त्या युक्तो योगबलेन चैव ।

भ्रुवोर्मध्ये प्राणमावेश्य सम्य-
 

क्स तं परं पुरुषमुपैति दिव्यम् ॥ १० ॥
 
</verse>
<p>प्रयाणकाले मरणकाले मनसा अचलेन चलनवर्जितेन
 

भक्त्या युक्त:तः भजनं भक्तिः तया युक्त: :तः — योगबलेन चैव

योगस्य बलं योगबलं समाधिजसंस्कारप्रचयजनितचित्तस्थै-

र्यलक्षणं योगबलं तेन च युक्तः इत्यर्थः, पूर्व हृदयपुण्ड-

रीके वशीकृत्य चित्तं ततः ऊर्ध्वगामिन्या नाड्या भूमिजय-

क्रमेण भ्रुवोः मध्ये प्राणम् आवेश्य स्थापयित्वा सम्यक्

अप्रमत्तः सन्, सः एवं विद्वान् योगी '‘कविं पुराणम्'
’
इत्यादिलक्षणं तं परं परतरं पुरुषम् उपैति प्रतिपद्यते दिव्यं

द्योतनात्मकम् ॥
 
</p>
<p>पुनरपि वक्ष्यमाणेन उपायेन प्रतिपित्सितस्य ब्रह्मणो वेद-

विद्वदनादिविशेषणविशेष्यस्य अभिधानं करोति भगवान् —</p>
<verse merge--
next="true">यदक्षरं वेदविदो वदन्ति
 

विशन्ति यद्यतयो वीतरागाः ।
 
.
 
</verse>
</page>