<page>
<ignore>२१८
 
श्रीमद्भगवद्गीताभाष्ये
 
</ignore>
<p>पुण्यः सुरभिः गन्धः पृथिव्यां च अहम्, तस्मिन् मयि

गन्धभूते पृथिवी प्रोता । पुण्यत्वं गन्धस्य स्वभावत एव

पृथिव्यां दर्शितम् अबादिषु रसादेः पुण्यत्वोपलक्षणार्थम् ।

अपुण्यत्वं तु गन्धादीनाम् अविद्याधर्माद्यपेक्षं संसारिणां
भूत-

विशेषसंसर्गनिमित्तं भवति । तेजश्च दीप्तिश्च अस्मि विभा-

वसौ अग्नौ । तथा जीवनं सर्वभूतेषु, येन जीवन्ति सर्वाणि

भूतानि तत् जीवनम् । तपश्च अस्मि तपस्विषु, तस्मिन्

तपसि मयि तपस्विनः प्रोताः ॥
 
</p>
<verse>बीजं मां सर्वभूतानां विद्धि पार्थ सनातनम् ।

बुद्धिर्बुद्धिमतामस्मि तेजस्तेजखिस्विनामहम् ॥ १०॥
 
</verse>
<p>बीजं प्ररोहकारणं मां विद्धि सर्वभूतानां हे पार्थ सना-

तनं चिरन्तनम् । किंच, बुद्धिः विवेकशक्तिः अन्तःकरणस्य

बुद्धिमतां विवेकशक्तिमताम् अस्मि तेजः प्रागल्भ्यं तद्वतां

तेजस्विनाम् अहम् ॥
 
</p>
<verse>बलं बलवतां चाहं कामरागविवर्जितम् ।

धर्माविरुद्धो भूतेषु कामोऽस्मि भरतर्षभ ॥ ११ ॥
 
</verse>
<p merge-next="true">बलं सामर्थ्यम् ओजो बलवताम् अहम्, तच्च बलं काम-

रागविवर्जितम्, कामञ्च रागश्च कामरागौ — कामः तृष्णा
 
</p>
</page>