<page>
<ignore>१७६
 
श्रीमद्भगवद्गीताभाष्ये
 
</ignore>
<p>एवं समाहितचित्तेन किं विज्ञेयम् इति उच्यते-
--</p>
<verse>भोक्तारं यज्ञतपसां सर्वलोकमहेश्वरम् ।

सुहृदं सर्वभूतानां ज्ञात्वा मां शान्तिमृच्छति ॥
<fix> २९ ॥</fix></verse>
<trailer>इति श्रीमहाभारते शतसाहस्रर्यां संहितायां वैयासिक्यां

भीष्मपर्वणि श्रीमद्भगवद्गीतासूपनिषत्सु ब्रह्मविद्यायां

योगशास्त्रे श्रीकृष्णार्जुनसंवादे संन्यासयोगो नाम

पञ्चमोऽध्यायः ॥
 
</trailer>
<p>भोक्तारं यज्ञतपसां यज्ञानां तपसां च कर्तृरूपेण देव-

तारूपेण च, सर्वलोकमहेश्वरं सर्वेषां लोकानां महान्तम्

ईश्वरं सुहृदं सर्वभूतानां सर्वप्राणिनां प्रत्युपकारनिरपेक्षतया

उपकारिणं सर्वभूतानां हृदयेशयं सर्वकर्मफलाध्यक्षं सर्वप्र-

त्ययसाक्षिणं मां नारायणं ज्ञात्वा शान्ति सर्वसंसारोपरतिम्

ऋच्छति प्राप्नोति ॥
 
</p>
<trailer>इति श्रीमत्परमहंसपरिव्राजकाचार्यस्य श्रीगोविन्द भगवत्पूज्यपाद-

शिष्यस्य श्रीमच्छंकरभगवतः कृतौ श्रीमद्भगवद्गीताभाष्ये

पञ्चमोऽध्यायः ॥
 
</trailer>
</page>