<page>
<ignore>एकादशोऽध्यायः ।
 
३३३
 
</ignore>
<p>स्वकं वसुदेवस्य गृहे जातं रूपं दर्शयामास दर्शितवान् भूयः

पुनः । आश्वासयामास च आश्वासितवान् भीतम् एनम् ,

भूत्वा पुनः सौम्यवपुः प्रसन्नदेहः महात्मा ॥
 
</p>
<p>अर्जुन उवाच-
 
—</p>
<verse>दृष्ट्वेदं मानुषं रूपं
 

तव सौम्यं जनार्दन ।
 

इदानीमस्मि संवृत्तः
 

सचेताः प्रकृतिं गतः ॥ ५१ ॥
 
</verse>
<p>दृष्ट्वा इदं मानुषं रूपं मत्सखं प्रसन्नं तव सौम्यं जना -

र्दन, इदानीम् अधुना अस्मि संवृत्तः संजातः । किम् ?

सचेताः प्रसन्नचित्तः प्रकृतिं स्वभावं गतश्च अस्मि ॥
 
</p>
<verse>श्रीभगवानुवाच-
 
—
सुदुर्दर्शमिदं रूपं
 

दृष्टवानसि यन्मम ।
 

देवा अप्यस्य रूपस्य
 

नित्यं दर्शनकाङ्क्षिणः ॥ ५२ ॥
 
</verse>
<p merge-next="true">सुदुर्दर्शशं सुष्ठु दुःखेन दर्शनम् अस्य इति सुदुर्दर्शम् , इदं
 
"
 
</p>
</page>