<page>
<ignore>प्रथमोऽध्यायः ।
 
९</ignore>
<verse>सीदन्ति मम गात्राणि मुखं च परिशुष्यति ।
.
वेपथुश्च शरीरे मे रोमहर्षश्च जायते ॥ २९ ॥
 
</verse>
<verse>गाण्डीवं स्रंसते हस्तात्त्वक्चैव परिदह्यते ।

न च शक्नोम्यवस्थातुं भ्रमतीव च मे मनः ।
 
॥<fix> ३० ॥</fix></verse>
<verse>निमित्तानि च पश्यामि विपरीतानि केशव ।

न च श्रेयोऽनुपश्यामि हत्वा स्वजनमाहवे ॥
 
<fix> ३१ ॥</fix></verse>
<verse>न काङ्क्षे विजयं कृष्ण

न च राज्यं सुखानि च ।

किं नो राज्येन गोविन्द
 

किं भोगैर्जीवितेन वा ॥ ३२ ॥
 
</verse>
<verse>येषामर्थे काङ्क्षितं नो
 
'
राज्यं भोगाः सुखानि च ।
 

त इमेऽवस्थिता युद्धे
 

प्राणांस्त्यक्त्वा धनानि च ॥ ३३ ॥
 
</verse>
</page>