<page>
<ignore>श्रीमद्भगवद्गीताभाष्ये</ignore>
<verse>संजय उवाच---
एवमुक्तो हृषीकेशो गुडाकेशेन भारत ।
सेनयोरुभयोर्मध्ये स्थापयित्वा रथोत्तमम् ॥<fix> २४ ॥</fix></verse>
<verse>भीष्मद्रोणप्रमुखतः सर्वेषां च महीक्षिताम् ।
उवाच पार्थ पश्यैतान्समवेतान्कुरूनिति ॥ २५॥</verse>
<verse>तत्रापश्यत्स्थितान्पार्थः
पितॄनथ पितामहान् ।
आचार्यान्मातुलान्भ्रातृ-
न्पुत्त्रान्पौत्रान्सखींस्तथा ॥ २६ ॥</verse>
<verse>श्वशुरान्सुहृदश्चैव
सेनयोरुभयोरपि ।
तान्समीक्ष्य स कौन्तेयः
सर्वान्बन्धूनवस्थितान् ॥ २७ ॥</verse>
<verse>कृपया परयाविष्टो विषीदन्निदमब्रवीत् ।
अर्जुन उवाच ---
दृष्ट्वेमान्खस्वजनान्कृष्ण युयुत्सून्समुपस्थितान् ॥<fix> २८ ॥</fix></verse>
</page>