<page>
<ignore>२७३ नवमोऽध्यायः ।
 
</ignore>
<p>शृणु मद्भक्तेर्माहात्म्यम्--
-</p>
<verse>अपि चेत्सुदुराचारो
 

भजते मामनन्यभाक् ।
 

साधुरेव स मन्तव्यः
 

सम्यग्व्यवसितो हि सः ॥
 
२७<fix> ३
 
० ॥</fix></verse>
<p>अपि चेत् यद्यपि सुदुराचारः सुष्ठु दुराचारः अतीव कु-

त्सिताचारोऽपि भजते माम् अनन्यभाक् अनन्यभक्ति:तिः सन्,

साधुरेव सम्यग्वृत्त एव सः मन्तव्यः ज्ञातव्य: ; सम्यक्

यथावत् व्यवसितो हि सः, यस्मात् साधुनिश्चयः सः ॥
 
</p>
<p>उत्सृज्य च बाह्यां दुराचारताम् अन्तः सम्यग्व्यवसायसा-

मर्थ्यात्—
 
</p>
<verse>क्षिप्रं भवति धर्मात्मा
 

शश्वच्छान्तिं निगच्छति ।
 

कौन्तेय प्रतिजानीहि
 

न मे भक्तः प्रणश्यति ॥ ३१ ॥
 
</verse>
<p merge-next="true">क्षिप्रं शीघ्रं भवति धर्मात्मा धर्मचित्तः एव । शश्वत्
 

नित्यं शान्ति च उपशमं निगच्छति प्राप्नोति । शृणुःणु पर-
 
</p>
<ignore>S. B. 18*
 
</ignore>
</page>