2026-05-03 04:20:56 by ambuda-bot
This page has not been fully proofread.
२६८
श्रीमद्भगवद्गीताभाष्ये
परमार्थदर्शिनां नित्याभियुक्तानां सतताभियोगिनां योगक्षेमं
योग: अप्राप्तस्य प्रापणं क्षेमः तद्रक्षणं तदुभयं वहामि प्राप-
यामि अहम् ; 'ज्ञानी त्वात्मैव मे मतम् ' ' स च मम प्रियः '
यस्मात्, तस्मात् ते मम आत्मभूताः प्रियाच इति ॥
ननु अन्येषामपि भक्तानां योगक्षेमं वहत्येव भगवान् ।
सत्यं वहत्येव ; किंतु अयं विशेष:- अन्ये ये भक्ताः ते
आत्मार्थं स्वयमपि योगक्षेमम् ईहन्ते ; अनन्यदर्शिनस्तु न
आत्मार्थं योगक्षेमम् ईहन्ते ; न हि ते जीविते मरणे वा
आत्मनः गृद्धिं कुर्वन्ति ; केवलमेव भगवच्छरणाः ते ; अतः
भगवानेव तेषां योगक्षेमं वहतीति ॥
ननु अन्या अपि देवताः त्वमेव चेत्, तद्भक्ताश्च त्वामेव
यजन्ते । सत्यमेवम्——
येऽप्यन्यदेवताभक्ता
यजन्ते श्रद्धयान्विताः ।
तेऽपि मामेव कौन्तेय
यजन्त्यविधिपूर्वकम् ॥ २३ ॥
येऽपि अन्यदेवताभक्ताः अन्यासु देवतासु भक्ताः अन्य-
श्रीमद्भगवद्गीताभाष्ये
परमार्थदर्शिनां नित्याभियुक्तानां सतताभियोगिनां योगक्षेमं
योग: अप्राप्तस्य प्रापणं क्षेमः तद्रक्षणं तदुभयं वहामि प्राप-
यामि अहम् ; 'ज्ञानी त्वात्मैव मे मतम् ' ' स च मम प्रियः '
यस्मात्, तस्मात् ते मम आत्मभूताः प्रियाच इति ॥
ननु अन्येषामपि भक्तानां योगक्षेमं वहत्येव भगवान् ।
सत्यं वहत्येव ; किंतु अयं विशेष:- अन्ये ये भक्ताः ते
आत्मार्थं स्वयमपि योगक्षेमम् ईहन्ते ; अनन्यदर्शिनस्तु न
आत्मार्थं योगक्षेमम् ईहन्ते ; न हि ते जीविते मरणे वा
आत्मनः गृद्धिं कुर्वन्ति ; केवलमेव भगवच्छरणाः ते ; अतः
भगवानेव तेषां योगक्षेमं वहतीति ॥
ननु अन्या अपि देवताः त्वमेव चेत्, तद्भक्ताश्च त्वामेव
यजन्ते । सत्यमेवम्——
येऽप्यन्यदेवताभक्ता
यजन्ते श्रद्धयान्विताः ।
तेऽपि मामेव कौन्तेय
यजन्त्यविधिपूर्वकम् ॥ २३ ॥
येऽपि अन्यदेवताभक्ताः अन्यासु देवतासु भक्ताः अन्य-