<page>
<ignore>२६२
 
श्रीमद्भगवद्गीताभाष्ये
 
</ignore>
<p>येषां ते मोघज्ञानाः, ज्ञानमपि तेषां निष्फलमेव स्यात् ।

विचेतसः विगतविवेकाश्च ते भवन्ति इत्यभिप्रायः ।

किंच— ते भवन्ति राक्षसीं रक्षसां प्रकृतिं स्वभावम्

आसुरीम् असुराणां च प्रकृतिं मोहिनीं मोहकरी देहात्मवा-

दिनीं श्रिताः आश्रिताः, छिन्द्धि, भिन्द्धि, पिब, खाद,

परस्वमपहर, इत्येवं वदनशीलाः क्रूरकर्माणो भवन्ति इत्यर्थः,

'असुर्या नाम ते लोका:' इति श्रुतेः ॥
 
</p>
<p>ये पुनः
 
श्रद्दधानाः
 
प्रवृत्ता:-
 
भगवद्भक्तिलक्षणे मोक्षमार्गे
 

प्रवृत्ताः ---</p>
<verse>महात्मानस्तु मां पार्थ दैवीं प्रकृतिमाश्रिताः ।

भजन्त्यनन्यमनसो ज्ञात्वा भूतादिमव्ययम् ॥
 
<fix> १३ ॥</fix></verse>
<p>महात्मानस्तु अक्षुद्रचित्ताः माम् ईश्वरं पार्थ दैवीं देवानां

प्रकृतिं शमदमदयाश्रद्धादिलक्षणाम् आश्रिताः सन्तः भजन्ति

सेवन्ते अनन्यमनसः अनन्यचित्ताः ज्ञात्वा भूतादिं भूतानां

वियदादीनां प्राणिनां च आदि कारणम् अव्ययम् ॥
 
</p>
<p>कथम् ? --
 
-</p>
<verse>सततं कीर्तयन्तो मां यतन्तश्च दृढव्रताः ।

नमस्यन्तश्च मां भक्त्या नित्ययुक्ता उपासते ॥
 
<fix> १४ ॥</fix></verse>
</page>