<page>
<ignore>२५८
 
श्रीमद्भगवद्गीताभाष्ये
 
</ignore>
<p>आकाशवत् सर्वगते मयि असंश्लेषेणैव स्थितानि इत्येवम् उप-
 

धारय विजानीहि ॥
 
</p>
<p>एवं वायुः आकाशे इव मयि स्थितानि सर्वभूतानि स्थि-

तिकाले ; तानि—
 
</p>
<verse>सर्वभूतानि कौन्तेय प्रकृतिं यान्ति मामिकाम् ।

कल्पक्षये पुनस्तानि कल्पादौ विसृजाम्यहम् ।
 
॥<fix> ७ ॥</fix></verse>
<p>सर्वभूतानि कौन्तेय प्रकृतिं त्रिगुणात्मिकाम् अपरां

निकृष्टां यान्ति मामिकां मदीयां कल्पक्षये प्रलयकाले । पुनः

भूयः तानि भूतानि उत्पत्तिकाले कल्पादौ विसृजामि उत्पाद-

यामि अहं पूर्ववत् ॥
 
</p>
<p>एवम् अविद्यालक्षणाम् —
 
</p>
<verse>प्रकृतिं स्वामवष्टभ्य विसृजामि पुनः पुनः ।

भूतग्राममिमं कृत्स्नमवशं प्रकृतेर्वशात् ॥ ८ ॥
 
</verse>
<p>प्रकृतिं स्वां स्वीयाम् अवष्टभ्य वशीकृत्य विसृजामि पुनः

पुनः प्रकृतितो जातं भूतग्रामं भूतसमुदायम् इमं वर्तमानं

कृत्स्नं समग्रम् अवशम् अस्वतन्त्रम्, अविद्यादिदोषैः परवशी-

कृतम्, प्रकृतेः वंवशात् स्वभाववशात् ॥
 
कृतम्,
 
</p>
</page>