<page>
<ignore>२४४
 
श्रीमद्भगवद्गीताभाष्ये
 
</ignore>
<p>प्रजापतेः अहनि यत् भवति रात्रौ च तत् उच्यते-
—</p>
<verse>अव्यक्ताद्व्यक्तयः सर्वाः प्रभवन्त्यहरागमे ।

रात्र्यागमे प्रलीयन्ते तत्रैवाव्यक्तसंज्ञके ॥ १८ ॥
 
</verse>
<p>अव्यक्तात् अव्यक्तं प्रजापतेः स्वापावस्था तस्मात्

अव्यक्तात् व्यक्तयः व्यज्यन्त इति व्यक्तयः स्थावरजङ्गम-

लक्षणाः सर्वाः प्रजाः प्रभवन्ति अभिव्यज्यन्ते, अह्नः

आगम:मः अहरागमः तस्मिन् अहरागमे काले ब्रह्मण:णः प्रबो-

धकाले । तथा रात्र्यागमे ब्रह्मणः स्वापकाले प्रलीयन्ते

सर्वाः व्यक्तयः तत्रैव पूर्वोक्ते अव्यक्तसंज्ञके ॥
 
</p>
<p>अकृताभ्यागमकृतविप्रणाशदोषपरिहारार्थम्, बन्धमोक्ष-

शास्त्रप्रवृत्तिसाफल्यप्रदर्शनार्थम् अविद्यादिक्लेशमूलकर्माशयव-

शाश्च्च अवशः भूतग्रामः भूत्वा भूत्वा प्रलीयते इत्यतः संसारे

वैराग्यप्रदर्शनार्थेथं च इदमाह–
 
—</p>
<verse>भूतग्रामः स एवायं भूत्वा भूत्वा प्रलीयते ।

रात्र्यागमेऽवशः पार्थ प्रभवत्यहरागमे ॥ १९ ॥
 
</verse>
<p merge-next="true">भूतग्राम:मः भूतसमुदाय:यः स्थावरजङ्गमलक्षणः यः पूर्व-

स्मिन् कल्पे आसीत् स एव अयं नान्यः । भूत्वा भूत्वा
 
</p>
</page>