<page>
<ignore>सप्तमोऽध्यायः ।
 
२२१
 
</ignore>
<p>प्रपद्यन्ते ते मायाम् एतां सर्वभूतमोहिनीं तरन्ति अतिक्राम-

न्ति; ते संसारबन्धनात् मुच्यन्ते इत्यर्थः ॥
 
</p>
<p>यदि त्वां प्रपन्नाः मायामेतां तरन्ति, कस्मात् त्वामेव सर्वे

न प्रपद्यन्ते इत्युच्यते—
 
</p>
<verse>न मां दुष्कृतिनो मूढाः प्रपद्यन्ते नराधमाः ।

माययापहृतज्ञाना आसुरं भावमाश्रिताः ॥
 
<fix> १५ ॥</fix></verse>
<p>न मां परमेश्वरं नारायणं दुष्कृतिनः पापकारिण:णः मूढाः

प्रपद्यन्ते नराधमाः नराणां मध्ये अधमाः निकृष्टाः । ते च

मायया अपहृतज्ञाना:नाः संमुषितज्ञाना:नाः आसुरं भावं हिंसानृ-

तादिलक्षणम् आश्रिताः ॥
 
</p>
<p>ये पुनर्नरोत्तमाः पुण्यकर्माणः-
 
—</p>
<verse>चतुर्विधा भजन्ते मां जनाः सुकृतिनोऽर्जुन ।

आर्तो जिज्ञासुरर्थार्थी ज्ञानी च भरतर्षभ ॥ १६ ॥
 
</verse>
<p>चतुर्विधाः चतुःप्रकाराः भजन्ते सेवन्ते मां जनाः सुकृ-

तिनः पुण्यकर्माणः हे अर्जुन । आर्त:तः आर्तिपरिगृहीतः तस्कर-

व्याघ्ररोगादिना अभिभूतः आपन्नः, जिज्ञासुः भगवत्तत्त्वं

ज्ञातुमिच्छति यः, अर्थार्थी धनकामः, ज्ञानी विष्णोः

तत्त्वविश्वच्च हे भरतर्षभ ॥
 
</p>
</page>