2026-05-03 04:20:33 by ambuda-bot
This page has not been fully proofread.
षष्ठोऽध्यायः ।
२०१
आत्मनि एकतां गतानि ईक्षते पश्यति योगयुक्तात्मा समा-
हितान्तः करणः सर्वत्र समदर्शनः सर्वेषु ब्रह्मादिस्थावरान्तेषु
विषमेषु सर्वभूतेषु समं निर्विशेषं ब्रह्मात्मैकत्वविषयं दर्शनं
ज्ञानं यस्य स. सर्वत्र समदर्शनः ॥
एतस्य आत्मैकत्वदर्शनस्य फलम् उच्यते—
यो मां पश्यति सर्वत्र सर्व च मयि पश्यति ।
तस्याहं न प्रणश्यामि स च मे न प्रणश्यति ॥
यो मां पश्यति वासुदेवं सर्वस्य आत्मानं सर्वत्र सर्वेषु
भूतेषु सर्वे च ब्रह्मादिभूतजातं मयि सर्वात्मनि पश्यति,
तस्य एवं आत्मैकत्वदर्शिनः अहम् ईश्वरो न प्रणश्यामि न
परोक्षतां गमिष्यामि । स च मे न प्रणश्यति स च विद्वान्
मम वासुदेवस्य न प्रणश्यति न परोक्षो भवति, तस्य च
मम च एकात्मकत्वात्; स्वात्मा हि नाम आत्मनः प्रिय
एव भवति, यस्माच्च अहमेव सर्वात्मैकत्वदर्शी ॥
इत्येतत् पूर्वश्लोकार्थं सम्यग्दर्शनमनूद्य तत्फलं मोक्षः
अभिधीयते—
सर्वभूतस्थितं यो मां भजत्येकत्वमास्थितः ।
सर्वथा वर्तमानोऽपि स योगी मयि वर्तते ॥
२०१
आत्मनि एकतां गतानि ईक्षते पश्यति योगयुक्तात्मा समा-
हितान्तः करणः सर्वत्र समदर्शनः सर्वेषु ब्रह्मादिस्थावरान्तेषु
विषमेषु सर्वभूतेषु समं निर्विशेषं ब्रह्मात्मैकत्वविषयं दर्शनं
ज्ञानं यस्य स. सर्वत्र समदर्शनः ॥
एतस्य आत्मैकत्वदर्शनस्य फलम् उच्यते—
यो मां पश्यति सर्वत्र सर्व च मयि पश्यति ।
तस्याहं न प्रणश्यामि स च मे न प्रणश्यति ॥
यो मां पश्यति वासुदेवं सर्वस्य आत्मानं सर्वत्र सर्वेषु
भूतेषु सर्वे च ब्रह्मादिभूतजातं मयि सर्वात्मनि पश्यति,
तस्य एवं आत्मैकत्वदर्शिनः अहम् ईश्वरो न प्रणश्यामि न
परोक्षतां गमिष्यामि । स च मे न प्रणश्यति स च विद्वान्
मम वासुदेवस्य न प्रणश्यति न परोक्षो भवति, तस्य च
मम च एकात्मकत्वात्; स्वात्मा हि नाम आत्मनः प्रिय
एव भवति, यस्माच्च अहमेव सर्वात्मैकत्वदर्शी ॥
इत्येतत् पूर्वश्लोकार्थं सम्यग्दर्शनमनूद्य तत्फलं मोक्षः
अभिधीयते—
सर्वभूतस्थितं यो मां भजत्येकत्वमास्थितः ।
सर्वथा वर्तमानोऽपि स योगी मयि वर्तते ॥