<page>
<ignore>चतुर्थोऽध्यायः ।
 
१४३
 
</ignore>
<p>ज्ञानं यथोक्तविशेषणं ज्ञानिनः । ज्ञानवन्तोऽपि केचित् यथा-

वत् तत्त्वदर्शनशीलाः, अपरे न; अतो विशिनष्टि तत्त्वदर्शिनः

इति । ये सम्यग्दर्शिनः तैः उपदिष्टं ज्ञानं कार्यक्षमं भवति

नेतरत् इति भगवतो मतम् ॥
 
</p>
<p>तथा च सति इदमपि समर्थं वचनम् -..
--</p>
<verse>यज्ज्ञात्वा न पुनर्मोहमेवं यास्यसि पाण्डव ।

येन भूतान्यशेषेण द्रक्ष्यस्यात्मन्यथो मयि ॥
 
<fix> ३५ ॥</fix></verse>
<p>यत् ज्ञात्वा यत् ज्ञानं तैः उपदिष्टं अधिगम्य प्राप्य पुनः

भूय:यः मोहम् एवं यथा इदानीं मोहं गतोऽसि पुनः एवं

न यास्यसि हे पाण्डव । किंच — येन ज्ञानेन भूतानि

अशेषेण ब्रह्मादीनि स्तम्बपर्यन्तानि द्रक्ष्यसि साक्षात्

आत्मनि प्रत्यगात्मनि 'मत्संस्थानि इमानि भूतानि' इति

अथो अपि मयि वासुदेवे 'परमेश्वरे चंच इमानि ' इति ; क्षेत्रज्ञे-

श्वरैकत्वं सर्वोपनिषत्प्रसिद्धं द्रक्ष्यसि इत्यर्थः ॥
 
</p>
<p>किंच एतस्य ज्ञानखस्य माहात्म्यम्-
 
--</p>
<verse>अपि चेदसि पापेभ्यः सर्वेभ्यः पापकृत्तमः ।

सर्व ज्ञानप्लवेनैव वृजिनं संतरिष्यसि ॥ ३६ ॥
 
</verse>
<p merge-next="true">अपि चेत् असि पापेभ्यः पापकृद्भयः सर्वेभ्यः अति-
 
</p>
</page>