<page>
<ignore>चतुर्थोऽध्यायः ।
 
द्रव्ययज्ञास्तपोयज्ञा योगयज्ञास्तथापरे ।
 
१३९
 
</ignore>
<verse>द्रव्ययज्ञास्तपोयज्ञा योगयज्ञास्तथापरे ।
स्वाध्यायज्ञानयज्ञाश्च यतयः संशितव्रताः ॥ २८॥
 
</verse>
<p>द्रव्ययज्ञाः तीर्थेषु द्रव्यविनियोगं यज्ञबुद्ध्या कुर्वन्ति

ये ते द्रव्ययज्ञाः । तपोयज्ञाः तपः यज्ञः येषां तपस्विनां

ते तपोयज्ञाः । योगयज्ञाः प्राणायामप्रत्याहारादिलक्षणो

योगो यज्ञो येषां ते योगयज्ञाः । तथा अपरे स्वाध्यायज्ञान-

यज्ञाश्च स्वाध्यायः यथाविधि ऋगाद्यभ्यासः यज्ञः येषां

ते स्वाध्याययज्ञाः । ज्ञानयज्ञा: ज्ञानं शास्त्रार्थपरिज्ञानं यज्ञः

येषां ते ज्ञानयज्ञाश्च यतयः यतनशीलाः संशितव्रताः सम्यक्

शितानि तनूकृंकृतानि तीक्ष्णीकृतानि व्रतानि येषां ते

संशितव्रताः ॥
 
</p>
<verse>किंच-
 
--</verse>
<verse>अपाने जुह्वति प्राणं प्राणेऽपानं तथापरे ।

प्राणापानगती रुद्धाध्वा प्राणायामपरायणाः ॥ २९ ॥
॥
 
</verse>
<p merge-next="true">अपाने अपानवृत्तौ जुह्वति प्रक्षिपन्ति प्राणं प्राणवृत्तिम्,

पूरकाख्यं प्राणायामं कुर्वन्तीत्यर्थः । प्राणे अपानं तथा

अपरे जुह्वति, रेचकाख्यं च प्राणायामं कुर्वन्तीत्येतत् ।

प्राणापानगती मुखनासिकाभ्यां वायोः निर्गमनं प्राणस्य
 
</p>
</page>