<page>
<ignore>१३८
 
श्रीमद्भगवद्गीताभाष्ये
 
</ignore>
<verse>श्रोत्रादीनीन्द्रियाण्यन्ये संयमाग्निषु जुह्वति ।

शब्दादीन्विषयानन्यये इन्द्रियाग्निषु जुह्वति ॥
 
<fix> २६ ॥</fix></verse>
<p>श्रोत्रादीनि इन्द्रियाणि अन्ये योगिनः संयमाग्निषु ।

प्रतीन्द्रियं संयमोंमो भिद्यते इति बहुवचनम् । संयमा एव

अग्नयः तेषु जुह्वति इन्द्रियसंयममेव कुर्वन्ति इत्यर्थः । शब्दा-

दीन् विषयान् अन्ये इन्द्रियाग्निषु इन्द्रियाण्येव अग्नयः तेषु

इन्द्रियाग्निषु जुह्वति श्रोत्रादिभिरविरुद्धविषयग्रहणं होमं

मन्यन्ते ॥
 
</p>
<p>किंच—
 
</p>
<verse>सर्वाणीन्द्रियकर्माणि प्राणकर्माणि चापरे ।
आत्म
आत्मानसंयमयोगाग्नौ जुहुह्वति ज्ञानदीपिते ॥ २७ ॥
 
</verse>
<p>सर्वाणि इन्द्रियकर्माणि इन्द्रियाणां कर्माणि इन्द्रिय-

कर्माणि, तथा प्राणकर्माणि प्राणो वायुः आध्यात्मिकः

तत्कर्माणि आकुञ्चनप्रसारणादीनि तानि च अपरे आत्म-

संयमयोगाग्नौ आत्मनि संयमः आत्मसंयमः स एव यो-

गाग्निः तस्मिन् आत्मसंयमयोगाग्नौ जुह्वति प्रक्षिपन्ति ज्ञान-

दीपिते स्नेहेनेव प्रदीपे विवेकविज्ञानेन उज्ज्वलभावम् आपा-

दिते जुह्वति प्रविलापयन्ति इत्यर्थः ॥
 
</p>
</page>