<page>
<ignore>९८
 
श्रीमद्भगवद्गीताभाष्ये
 
</ignore>
<p>कर्मसङ्गिनां कर्मणि आसक्तानां आसङ्गवताम् । किं नु

कुर्यात् ? जोषयेत् कारयेत् सर्वकर्माणि विद्वान् स्वयं तदेव

अविदुषां कर्म युक्तः अभियुक्तः समाचरन् ॥
 
</p>
<p>अविद्वानज्ञः कथं कर्मसु सज्जते इत्याह-
—</p>
<verse>प्रकृतेः क्रियमाणानि गुणैः कर्माणि सर्वशः ।

अहंकारविमूढात्मा कर्ताहमिति मन्यते ॥ २७ ॥
 
</verse>
<p>प्रकृतेः प्रकृतिः प्रधानं सत्त्वरजस्तमसां गुणानां साम्या-

वस्था तस्याः प्रकृतेः गुणैः विकारै:रैः कार्यकरणरूपैः क्रिय-

माणानि कर्माणि लौकिकानि शास्त्रीयाणि च सर्वशः सर्व-

प्रकारैः अहंकारविमूढात्मा कार्यकरणसंघातात्मप्रत्ययः अहं-

कारः तेन विविधं नानाविधं मूढः आत्मा अन्तःकरणं

यस्य सः अयं कार्यकरणधर्मा कार्यकरणाभिमानी अविद्यया

कर्माणि आत्मनि मन्यमानः तत्तत्कर्मणाम् अहं कर्ता इति

मन्यते ॥
 
</p>
<p>यः पुनर्विद्वान् —
 
</p>
<verse>तत्त्ववित्तु महाबाहो गुणकर्मविभागयोः ।

गुणा गुणेषु वर्तन्त इति मत्वा न सज्जते ॥ २८ ॥
</verse>
<p merge-next="true">तत्त्ववित् तु महाबाहो । कस्य तत्त्ववित् ? गुणकर्मवि-
 
</p>
</page>