<page>
<ignore>तृतीयोऽध्यायः ।
 
९७
 
</ignore>
<p>यदि पुनः अहमिव त्वं कृतार्थबुद्धिः, आत्मवित् अन्यो

वा, तस्यापि आत्मनः कर्तव्याभावेऽपि परानुग्रह एव

कर्तव्य इत्याह--
 
—</p>
<verse>सक्ताः कर्मण्यविद्वांसो यथा कुर्वन्ति भारत ।

कुर्याद्विद्वांस्तथासक्तश्चिकीर्षुर्लोकसंग्रहम् ॥ २५ ॥
 
</verse>
<p>सक्ताः कर्मणि '&apos;अस्य कर्मणः फलं मम भविष्यति'
&apos;
इति केचित् अविद्वांसः यथा कुर्वन्ति भारत, कुर्यात्

विद्वान् आत्मवित् तथा असक्तः सन् । तद्वत् किमर्थे
थं
करोति ? तत् शृणु -— चिकीर्षुः कर्तुमिच्छुः लोकसंग्रहम् ॥
 
</p>
<p>एवं लोकसंग्रहं चिकीर्षोः न मम आत्मविदः कर्तव्यमस्ति

अन्यस्य वा लोकसंग्रहं मुक्त्वा । ततः तस्य आत्मविदः

इदमुपदिश्यते-
 
—</p>
<verse>न बुद्धिभेदं जनयेदज्ञानां कर्मसङ्गिनाम् ।

जोषयेत्सर्वकर्माणि विद्वान्युक्तः समाचरन् ॥
 
<fix> २६ ॥</fix></verse>
<p>बुद्धेर्भेदः बुद्धिभेद: 'दः &apos;मया इदं कर्तव्यं भोक्तव्यं चास्य

कर्मणः फलम्'&apos; इति निश्चयरूपाया बुद्धेः भेदनं चालनं

बुद्धिभेदः तं न जनयेत् न उत्पादयेत् अज्ञानाम् अविवेकिनां
 
</p>
<ignore>S. B. 7
 
</ignore>
</page>