<page>
<ignore>९४
 
श्रीमद्भगवद्गीताभाप्ष्ये
 
</ignore>
<p>ब्रह्मादिस्थावरान्तेषु भूतेषु कश्चित् अर्थव्यपाश्रयः प्रयोजन-

निमित्तक्रियासाध्यः व्यपाश्रयः व्यपाश्रयणम् आलम्बनं कं-

चित् भूतविशेषमाश्रित्य न साध्यः कश्चिदर्थः अस्ति, येन

तदर्था क्रिया अनुष्ठेया स्यात् । न त्वम् एतस्मिन् सर्वत :तः-

संप्लुतोदकस्थानीये सम्यग्दर्शने वर्तसे ॥
 
</p>
<p>यतः एवम् —
 
</p>
<verse>तस्मादसक्तः सततं कार्ययं कर्म समाचर ।

असक्तो ह्याचरन्कर्म परमाप्नोति पूरुषः ॥ १९ ॥
 
</verse>
<p>तस्मात् असक्तः सङ्गवर्जितः सततं सर्वदा कार्ययं कर्तव्यं

नित्यं कर्म समाचर निर्वर्तय । असक्तो हि यस्मात् समा-

चरनन् ईश्वरार्थं कर्म कुर्वन् परं मोक्षम् आप्नोति पूरुषः

सत्त्वशुद्धिद्वारेण इत्यर्थः ॥
 
</p>
<p>यस्माच्च-
 
-
 
—</p>
<verse>कर्मणैव हि संसिद्धिमास्थिता जनकादयः ।

लोकसंग्रहमेवापि संपश्यन्कर्तुमर्हसि ॥ २० ॥
 
</verse>
<p merge-next="true">कर्मणैव हि यस्मात् पूर्वे क्षत्रियाः विद्वांसः संसिद्धिं

मोक्षं गन्तुम् आस्थिताः प्रवृत्ताः । के ? जनकादयः जनका-
 
</p>
</page>