<page>
<ignore>तृतीयोऽध्यायः ।
 
८९
 
</ignore>
<p>कथम् —
 
</p>
<verse>देवान्भावयतानेन ते देवा भावयन्तु वः ।
 

परस्परं भावयन्तः श्रेयः परमवाप्स्यथ ॥ ११ ॥
 
</verse>
<p>देवान् इन्द्रादीन् भावयत वर्धयत अनेन यज्ञेन । ते

देवा भावयन्तु आप्याययन्तु वृष्टट्यादिना वः युष्मान् । एवं

परस्परम् अन्योन्यं भावयन्तः श्रेयः परं मोक्षलक्षणं ज्ञान-

प्राप्तिक्रमेण अवाप्स्यथ । स्वर्गगं वा परं श्रेयः अवाप्स्यथंथ ॥
 
</p>
<p>किंच —
 
</p>
<verse>इष्टान्भोगान्हि वो देवा दास्यन्ते यज्ञभाविताः । . .

तैर्दत्तानप्रदायैभ्यो यो भुङ्क्ते स्तेन एव सः ॥ १२ ॥
 
</verse>
<p>इष्टान् अभिप्रेतान् भोगान् हि वः युष्मभ्यं देवाः दास्यन्ते

वितरिष्यन्ति स्त्रीपशुपुत्रादीन् यज्ञभाविताः यज्ञैः वर्धिता:
ताः
तोषिताः इत्यर्थः । तैः देवैः दत्तान् भोगान् अप्रदाय

अदन्त्त्वा, "आनृण्यमकृत्वा - इत्यर्थः, एभ्यः देवेभ्यः, यः भुङ्क्ते

स्वदेहेन्द्रियाण्येव तर्पयति स्तेन एव तस्कर एव सः देवादि-

स्वापहारी ॥
 
</p>
<p>ये पुन:-
 
नः —</p>
</page>