2026-05-03 04:19:49 by ambuda-bot
This page has not been fully proofread.
तृतीयोऽध्यायः ।
८१
अर्जुनेन कृतं स्यात् ; न हि तदेव तस्मात् फलतो ऽतिरिक्तं
स्यात् । तथा च, कर्मणः श्रेयस्करी भगवतोक्ता बुद्धि:,
अश्रेयस्करं च कर्म कुर्विति मां प्रतिपादयति, तत् किं नु
कारणमिति भगवत उपालम्भमिव कुर्वन् तत् किं कस्मात्
कर्मणि घोरे क्रूरे हिंसालक्षणे मां नियोजयसि केशव इति च
यदाह, तच्च नोपपद्यते । अथ स्मार्तेनैव कर्मणा समुच्चयः
सर्वेषां भगवता उक्तः अर्जुनेन च अवधारितश्चेत्, 'तत्किं
कर्मणि घोरे मां नियोजयसि' इत्यादि कथं युक्तं वचनम् ॥
किंच-
व्यामिश्रेणेव वाक्येन वुद्धिं मोहयसीव मे ।
तदेकं वद निश्चित्य येन श्रेयोऽहमाप्नुयाम् ॥२॥
व्यामिश्रेणेव, यद्यपि विविक्ताभिधायी भगवान्, तथापि
मम मन्दबुद्धेः व्यामिश्रमिव भगवद्वाक्यं प्रतिभाति । तेन
मम बुद्धिं मोहयसि इव, मम बुद्धिव्यामोहापनयाय हि
प्रवृत्तः त्वं तु कथं मोहयसि ? अतः ब्रवीमि बुद्धिं मोहयसि
इव में मम इति । त्वं तु भिन्नकर्तृकयोः ज्ञानकर्मणोः
एकपुरुषानुष्ठानासंभवं यदि मन्यसे, तत्रैवं सति तत् तयोः
एकं बुद्धिं कर्म वा इदमेव अर्जुनस्य योग्यं बुद्धिशक्त्यव -
स्थानुरूपमिति निश्चित्य वद ब्रूहि, येन ज्ञानेन कर्मणा वा
S. B. 6
८१
अर्जुनेन कृतं स्यात् ; न हि तदेव तस्मात् फलतो ऽतिरिक्तं
स्यात् । तथा च, कर्मणः श्रेयस्करी भगवतोक्ता बुद्धि:,
अश्रेयस्करं च कर्म कुर्विति मां प्रतिपादयति, तत् किं नु
कारणमिति भगवत उपालम्भमिव कुर्वन् तत् किं कस्मात्
कर्मणि घोरे क्रूरे हिंसालक्षणे मां नियोजयसि केशव इति च
यदाह, तच्च नोपपद्यते । अथ स्मार्तेनैव कर्मणा समुच्चयः
सर्वेषां भगवता उक्तः अर्जुनेन च अवधारितश्चेत्, 'तत्किं
कर्मणि घोरे मां नियोजयसि' इत्यादि कथं युक्तं वचनम् ॥
किंच-
व्यामिश्रेणेव वाक्येन वुद्धिं मोहयसीव मे ।
तदेकं वद निश्चित्य येन श्रेयोऽहमाप्नुयाम् ॥२॥
व्यामिश्रेणेव, यद्यपि विविक्ताभिधायी भगवान्, तथापि
मम मन्दबुद्धेः व्यामिश्रमिव भगवद्वाक्यं प्रतिभाति । तेन
मम बुद्धिं मोहयसि इव, मम बुद्धिव्यामोहापनयाय हि
प्रवृत्तः त्वं तु कथं मोहयसि ? अतः ब्रवीमि बुद्धिं मोहयसि
इव में मम इति । त्वं तु भिन्नकर्तृकयोः ज्ञानकर्मणोः
एकपुरुषानुष्ठानासंभवं यदि मन्यसे, तत्रैवं सति तत् तयोः
एकं बुद्धिं कर्म वा इदमेव अर्जुनस्य योग्यं बुद्धिशक्त्यव -
स्थानुरूपमिति निश्चित्य वद ब्रूहि, येन ज्ञानेन कर्मणा वा
S. B. 6