<page>
<ignore>८०
 
श्रीमद्भगवद्गीताभाष्ये
 
C
 
</ignore>
<p>स्यात् , ततोऽयं प्रश्न उपपन्नः ' ‘ज्यायसी चेत्'’ इत्यादिः ।

अविवेकतः प्रश्नकल्पनायामपि भिन्नपुरुषानुष्ठेयत्वेन ज्ञान-

कर्मनिष्ठयोः भगवतः प्रतिवचनं नोपपद्यते । न च अज्ञान-

निमित्तं भगवत्प्रतिवचनं कल्पनीयम् । अस्माच्च भिन्नपुरुषा-

नुष्ठेयत्वेन ज्ञानकर्मनिष्ठयोः भगवतः प्रतिवचनदर्शनात्

ज्ञानकर्मणोः समुच्चयानुपपत्तिः । तस्मात् केवलादेव ज्ञानात्

मोक्ष इत्येषोऽर्थो निश्चितो गीतासु सर्वोपनिषत्सु च ॥
 
।
 
</p>
<p>ज्ञानकर्मणोः '‘एकं वद निश्चित्य'’ इति च एकविषयैव

प्रार्थना अनुपपन्ना, उभयोः समुच्चयसंभवे । '‘कुरु कर्मैव

तस्मात्त्वम्'’ इति चंच ज्ञाननिष्ठासंभवम् अर्जुनस्य अवधारणेन

दर्शयिष्यति ॥
 
</p>
<verse>अर्जुन उवाच-
 
—
ज्यायसी चेत्कर्मणस्ते मता बुद्धिर्जनार्दन ।

तत्किं कर्मणि घोरे मां नियोजयसि केशव ॥ १ ॥
 
</verse>
<p merge-next="true">ज्यायसी श्रेयसी चेत् यदि कर्मणः सकाशात् ते तवं
व
मता अभिप्रेता बुद्धिः ज्ञानं हे जनार्दन । यदि बुद्धिकर्मणी

समुच्चिते इष्टे तदा एकं श्रेयः साधनमिति कर्मणो ज्या-

यसी बुद्धिः इति कर्मणः अतिरिक्तकरणं बुद्धेरनुपपन्नम्ं
 
म्</p>
</page>