<page>
<ignore>५०
 
श्रीमद्भगवद्गीताभाष्ये
 
</ignore>
<p>न इह मोक्षमार्गे कर्मयोगे अभिक्रमनाशः अभिक्रमण-

मभिक्रमः प्रारम्भः तस्य नाशः नास्ति यथा कृष्यादेः ।

योगविषये प्रारम्भस्य न अनैकान्तिकफलत्वमित्यर्थः । किंच-

नापि चिकित्सावत् प्रत्यवाय:यः विद्यते भवति । किं तु स्वल्प-

मपि अस्य धर्मस्य योगधर्मस्य अनुष्ठितं त्रायते रक्षति

महतः भयात् संसारभयात् जन्ममरणादिलक्षणात् ॥
 
</p>
<p>येयं सांख्ये बुद्धिरुक्ता योगे च, वक्ष्यमाणलक्षणा सा-
--</p>
<verse>व्यवसायात्मिका बुद्धिरेकेह कुरुनन्दन ।

बहुशाखा ह्यनन्ताश्च वुबुद्धयोऽव्यवसायिनाम् ॥
</verse>
<p>व्यवसायात्मिका निश्चयस्वभावा एका एव बुद्धि:धिः इतर-

विपरीतबुद्धिशाखाभेदस्य बाधिका, सम्यक्प्रमाणजनित-

त्वात्, इह श्रेयोमार्गे हे कुरुनन्दन । याः पुनः इतरा विप-

रीतबुद्धयः, यासां शाखाभेदप्रचारवशात् अनन्तः अपारः

अनुपरतः संसारो नित्यप्रततो विस्तीर्णो भवति, प्रमाणजनि-

तविवेकबुद्धिनिमित्तवशाश्च उपरतास्वनन्तभेदबुद्धिषु संसारो-

ऽप्युपरमते ता बुद्धयः बहुशाखा:खाः बह्वयः शाखा:खाः यासां
ता:
ताः बहुशाखाः, बहुभेदा इत्येतत् । प्रतिशाखाभेदेन हि अन-

न्ताश्च बुद्धयः । केषाम् ? अव्यवसायिनां प्रमाणजनितविवे-

कबुद्धिरहितानामित्यर्थः ॥
 
</p>
</page>