Reports » श्रीवेंकटेशसुप्रभातम्

<lg n="7">
  <l>ईषत्प्रफुल्लसरसीरुहनारिकेल-</l>
  <l>पूगद्रुमादिसुमनोहरपालिकानाम् ।</l>
  <l>आवाति मन्दमनिलस्सह दिव्यगन्धैः</l>
  <l>शेषाद्रिशेखरविभो तव सुप्रभातम् ॥ ७ ॥</l>
</lg>
      

<lg n="8">
  <l>उन्मील्य नेत्रयुगमुत्तमपञ्जरस्थाः</l>
  <l>पात्रावशिष्टकदलीफलपायसानि ।</l>
  <l>भुक्त्वा सलीलमथ केलिशुकाः पठन्ति</l>
  <l>शेषाद्रिशेखरविभो तव सुप्रभातम् ॥ ८ ॥</l>
</lg>
      

<lg n="10">
  <l>भृङ्गावली च मकरन्दरसानुविद्ध-</l>
  <l>झंकारगीतनिनदैस्सह सेवनाय ।</l>
  <l>निर्यात्युपान्तसरसीकमलोदरेभ्यः</l>
  <l>शेषाद्रिशेखरविभो तव सुप्रभातम् ॥ १० ॥</l>
</lg>
      

<lg n="15">
  <l>श्रीशेषशैलगरुडाचलवेंकटाद्रि-</l>
  <l>नारायणाद्रिवृषभाद्रिवृषाद्रिमुख्याम् ।</l>
  <l>आख्यां त्वदीयवसतेरनिशं वदन्ति</l>
  <l>श्रीवेंकटाचलपते तव सुप्रभातम् ॥ १५ ॥</l>
</lg>
      

<lg n="16">
  <l>सेवापराश्शिवसुरेशकृशानुधर्म-</l>
  <l>रक्षोम्बुनाथपवमानधनाधिनाथाः ।</l>
  <l>बद्धाञ्जलिप्रविलसन्निजशीर्षदेशाः</l>
  <l>श्रीवेंकटाचलपते तव सुप्रभातम् ॥ १६ ॥</l>
</lg>
      

<lg n="17">
  <l>धाटीषु ते विहगराजमृगाधिराज-</l>
  <l>नागाधिराजगजराजहयाधिराजाः ।</l>
  <l>स्वस्वाधिकारमहिमादिकमर्थयन्ते</l>
  <l>श्रीवेंकटाचलपते तव सुप्रभातम् ॥ १७ ॥</l>
</lg>
      

<lg n="18">
  <l>सूर्येन्दुभौमबुधवाक्पतिकाव्यसौरि-</l>
  <l>स्वर्भानुकेतुदिविषत्परिषत्प्रधानाः ।</l>
  <l>त्वद्दासदासचरमावधिदासदासाः</l>
  <l>श्रीवेंकटाचलपते तव सुप्रभातम् ॥ १८ ॥</l>
</lg>
      

<lg n="22">
  <l>श्रीपद्मनाभ पुरुषोत्तम वासुदेव</l>
  <l>वैकुण्ठ माधव जनार्दन चक्रपाणे ।</l>
  <pb n="5"/>
  <l>श्रीवत्सचिह्न शरणागतपारिजात</l>
  <l>श्रीवेंकटाचलपते तव सुप्रभातम् ॥ २२ ॥</l>
</lg>
      

<lg n="25">
  <l>एलालवङ्गघनसारसुगन्धतीर्थं</l>
  <l>दिव्यं वियत्सरिति हेमघटेषु पूर्णम् ।</l>
  <l>धृत्वाऽद्य वैदिकशिखामणः प्रहृष्टाः</l>
  <l>तिष्ठन्ति वेंकटपते तव सुप्रभातम् ॥ २५ ॥</l>
</lg>
      

<lg n="26">
  <l>भास्वानुदेति विकचानि सरोरुहाणि</l>
  <l>संपूरयन्ति निनदैः ककुभो विहङ्गाः ।</l>
  <l>श्रीवैष्णवास्सततमर्थितमङ्गलास्ते</l>
  <l>धामाश्रयन्ति तव वेंकट सुप्रभातम् ॥ २६ ॥</l>
</lg>