<lg n="2">
  <l>श्रीमन् कृपाजलनिधे कृतसर्वलोक</l>
  <l>सर्वज्ञ शक्त नतवत्सल सर्वशेषिन् ।</l>
  <l>स्वामिन् सुशील सुलभाश्रितपारिजात</l>
  <l>श्रीवेंकटेश चरणौ शरणं प्रपद्ये ॥ २ ॥</l>
</lg>

<lg n="3">
  <l>आनू पुरार्पितसुजातसुगन्धिपुष्प-</l>
  <l>सौरभ्यसौरभकरौ समसन्निवेशौ</l>
  <l>सौम्यौ सदानुभवनेऽपि नवानुभाव्यौ</l>
  <l>श्रीवेंकटेश<supplied> </supplied>चरणौ शरणं प्रपद्ये ॥ ३ ॥</l>
</lg>

<lg n="4">
  <l>सद्यो विकासिसमुदित्वरसान्द्रराग-</l>
  <l>सौरभ्यनिर्भरसरोरुहसाम्यवार्ताम् ।</l>
  <l>सम्यक्षु साहसपदेषु विलेखयन्तौ</l>
  <l>श्रीवेंकटेश<supplied> </supplied>चरणौ शरणं प्रपद्ये ॥ ४ ॥</l>
</lg>

<lg n="5">
  <l>रेखामयध्वजसुधाकलशातपत्र-</l>
  <l>वज्रांकुशाम्बुरुहकल्पकशङ्खचक्रेः ।</l>
  <l>भव्यैरलंकृततलौ परतत्त्वचिह्नैः</l>
  <l>श्रीवेंकटेश<supplied> </supplied>चरणौ शरणं प्रपद्ये ॥ ५ ॥</l>
</lg>

<lg n="8">
  <l>लक्ष्मीमहीतदनुरूपनिजानुभाव-</l>
  <l>नीलादिदिव्यमहिषीकरपल्लवानाम् ।</l>
  <l>आरुण्यसंक्रमणतः किल सान्द्ररागौ</l>
  <l>श्रीवेंकटेश<supplied> </supplied>चरणौ शरणं प्रपद्ये ॥ ८ ॥</l>
</lg>

<lg n="9">
  <l>नित्यानमद्विधिशिवादिकिरीटकोटि-</l>
  <l>प्रत्युप्तदीप्तनवरत्नमहःप्ररोहैः ।</l>
  <l>नीराजनाविधिमुदारमुपादधानौ</l>
  <l>श्रीवेंकटेश<supplied> </supplied>चरणौ शरणं प्रपद्ये ॥ ९ ॥</l>
</lg>

<lg n="11">
  <l>पार्थाय तत्सदृशसारथिना त्वयैव</l>
  <l>यौ दर्शितौ स्वचरणौ शरणं व्रजेति ।</l>
  <pb n="11"/>
  <l>भूयोऽपि मह्यमिह तौ करदर्शितौ ते</l>
  <l>श्रीवेंकटेश चरणौ शरणं प्रपद्ये ॥ ११ ॥</l>
</lg>

<lg n="15">
  <l>सत्त्वोत्तरैस्सततसेव्यपदाम्बुजेन</l>
  <l>संसारतारकदयार्द्रदृगञ्चलेन ।</l>
  <l>सौम्योपयन्तुमुनिना मम दर्शितौ ते</l>
  <l>श्रीवेंकटेश चरणौ शरणं प्रपद्ये ॥ १५ ॥</l>
</lg>