<lg n="7">
  <l>विलसतु मम चित्ते रङ्गनाथो दयालु-</l>
  <l>र्वितरतु मम सौख्यं कल्पकः स्वाश्रितानाम् ।</l>
  <l>स जयतु विबुधानां राजराजो मुकुन्दो</l>
  <l>विविधकनकभूषाप्रोज्ज्वलद्दिव्यगात्रः ॥ ७ ॥</l>
</lg>

<lg n="8">
  <l>वैकुण्ठतुल्यविमलाखिलदिव्यदेश-</l>
  <l>प्राधान्यलक्षितविलक्षणरङ्गपुर्याम् ।</l>
  <l>कल्याणकल्पकतरुं कमलायताक्षं</l>
  <l>शेषाङ्कशायिनमहं शरणं प्रपद्ये ॥ ८ ॥</l>
</lg>

<lg n="9">
  <l>रेखामयाब्जकलशध्वजशङ्खचक्र-</l>
  <l>वज्राद्यलंकृततलौ जितपद्मरागौ ।</l>
  <l>कान्ताववाङ्मनसगोचरसौकुमार्यौ</l>
  <l>श्रीरङ्गराजचरणौ शरणं प्रपद्ये ॥ ९ ॥</l>
</lg>

<lg n="11">
  <l>श्रीरङ्गनाथ मम नाथ तवाङ्घ्रिपद्म-</l>
  <l>कैङ्कर्यनिष्ठपरिचारकभृत्यभृत्यम् ।</l>
  <l>मां रक्ष दिव्यकृपया करुणामृताब्धे</l>
  <l>शीलादिमङ्गलगुणाकर भक्तबन्धो ॥ ११ ॥</l>
</lg>

<lg n="16">
  <l>तत्तादृशौ विधिशिवादिकिरीटकोटि-</l>
  <l>प्रत्युप्तदिव्यनवरत्नमहःप्ररोहैः ।</l>
  <l>नीराजितौ मणिमयोज्ज्वलनूपुराढ्यौ</l>
  <l>श्रीरङ्गराजचरणौ शरणं प्रपद्ये ॥ १६ ॥</l>
</lg>

<lg n="17">
  <l>आनूपुरार्पितमनोहरदिव्यपुष्प-</l>
  <l>सौरभ्यसौरभकरौ मणिनूपुराढ्यौ ।</l>
  <l>पद्मोज्ज्वलौ निखिलभक्तजनानुभाव्यौ</l>
  <l>श्रीरङ्गराजचरणौ शरणं प्रपद्ये ॥ १७ ॥</l>
</lg>

<lg n="19">
  <l>कम्बुग्रीवप्रभातः किसलयविलसद्विद्रुमस्मेरभास्व-</l>
  <l>द्दीप्रोष्ठः कल्पवल्लीमधुरशुभनसः पद्मपत्रायताक्षः ।</l>
  <l>सुभ्रूरेखः सुफालो मणिमयमकुटस्त्वञ्जनश्यामकेशः</l>
  <l>श्रीरङ्गे शेषशायी दिशतु मम सुखं लोकनाथो मुकुन्दः<supplied>॥ </supplied>१९ ॥</l>
</lg>

<lg n="23">
  <l>भजेयमहिशायिनं रजतशैलकालाम्बुद-</l>
  <l>प्रभानिभमहर्निशं प्रणतदिव्यसौख्यप्रदम् ।</l>
  <l>सुधामयपयोधिजापदसरोजलाक्षामय-</l>
  <l>प्रभारुणितवक्षसं सुलभमेव रङ्गेश्वरम् ॥ २३ ॥</l>
</lg>

<lg n="24">
  <l>न क्रियन्ते प्रसिद्धं मनसिजकदनैर्भाष्यकारस्य भक्ताः</l>
  <l>भक्तोऽपि स्वामिनोऽहं मदनपरवशः पापकर्मास्मि मूर्खः ।</l>
  <l>तस्मान्मे दिव्यबन्धो सकलगुणनिधे लोकनाथ क्षमाब्धे</l>
  <l>त्यक्तुं शक्यस्त्वयाहं न खलु मम निधे रक्ष मां रङ्गनाथ ॥ २४ ॥</l>
</lg>