<lg n="23">
  <l>देवि त्वद्वदनाम्बुजं वितनुताच्छ्रेयः परं शाश्वतं</l>
  <l>कामाक्ष्यद्य ममाम्ब पङ्कजमिदं यत्कान्तिलाभे<add rend="brackets">च्छया</add>।</l>
  <l>तोये नूनमहर्निशं च विमले मङ्क्त्वा तपस्यत्यलं</l>
  <l>तत्सौन्दर्यनिधानमग्र्यसुषमं कान्तालकालङ्कृतम् ॥ २३ ॥</l>
</lg>

<lg n="7">
  <l>कामाक्षीचरणारविन्दयुगलीगुल्फट्टयं रक्षता-</l>
  <l>दस्मान् संततमाश्रितार्तिशमनं दोषौघविध्वंसनम् ।</l>
  <l>तेजःपूरनिधानमङ्घ्रिवलयाद्याकल्पसङ्घट्टन-</l>
  <l>प्रोद्यद्ध्वानमिषेण च प्रतिशृणन्नम्रालिरक्षामिव ॥ ७ ॥</l>
</lg>

<lg n="8">
  <l>जङ्घे द्वे भवतां जगत्त्रयनुते नित्यं त्वदीये मन-</l>
  <l>स्सन्तोषाय ममामितोर्जितयशःसंपत्तये च स्वयम् ।</l>
  <l>साम्योल्लङ्घनजाङ्घिके सुवपुषा वृत्ते प्रभासंयुते</l>
  <l>हे कामाक्षि समुन्नते त्रिभुवनीसङ्क्रान्तियोग्ये वरे ॥ ८ ॥</l>
</lg>

<lg n="10">
  <l>ऊरू ते भवतां मुदे मम सदा कामाक्षि भो देवते</l>
  <l>रम्भाटोपविमर्दनैकनिपुणे नीलोत्पलाभे शुभे ।</l>
  <l>शुण्डादण्डनिभे त्रिलोकविजयस्तम्भौ शुचित्वार्जव-</l>
  <l>श्रीयुक्ते च नितम्बभारभरणैकाग्रप्रयत्ने सदा ॥ १० ॥</l>
</lg>

<lg n="12">
  <l>बोभूतां यशसे ममाम्ब रुचिरौ भूलोकसञ्चारतः</l>
  <l>श्रान्तौ स्थूलतरौ तवातिमृदुलौ स्निग्धौ नितम्बौ शुभौ ।</l>
  <l>गाङ्गेयोन्नतसैकतस्थलकचग्राहिस्वरूपौ गुण-</l>
  <l>श्लाघ्यो गौरवशोभिनौ सुविपुलौ कामाक्षि भो देवते ॥ १२ ॥</l>
</lg>

<lg n="13">
  <l>कामाक्ष्यद्य सुरक्षतात् कटितटी तावक्यतीवोज्ज्वल-</l>
  <l>द्रत्नालङ्कृतहाटकाढ्यरशनासम्बद्धघण्टारवा ।</l>
  <l>तत्रत्येन्दुमणीन्द्रनीलगरुडप्रख्योपलज्योतिषा</l>
  <l>व्याप्ता वासवकार्मुकद्युतिखनीवाभाति या सर्वदा ॥ १३ ॥</l>
</lg>

<lg n="15">
  <l>यन्नाभीसरसी भवाभिधमरुक्षोणीनिविष्टोद्भव-</l>
  <l>त्तृष्णार्ताखिलदेहिनामनुकलं सुज्ञानतोयं वरम् ।</l>
  <l>दत्वा देवि सुगन्धि सद्गुणसदासेव्यं प्रणुद्य श्रमं</l>
  <l>सन्तोषाय च बोभवीतु महिते कामाक्षि भो देवते ॥ १५ ॥</l>
</lg>

<lg n="16">
  <l>यन्मध्यं तव देवि सूक्ष्ममतुलं लावण्यमूलं नभः-</l>
  <l>प्रख्यं दुष्टनिरीक्षणप्रसरणश्रान्त्यापनुत्त्या इव ।</l>
  <l>जातं लोचनदूरगं तदवतात् कामाक्षि सिंहान्तर-</l>
  <l>स्वैराटोपनिरासकारि विमलज्योतिर्मयं प्रत्यहम् ॥ १६ ॥</l>
</lg>

<lg n="18">
  <l>पाणी ते शरणागताभिलषितश्रेयःप्रदानोद्यतौ</l>
  <l>सौभाग्याधिकशंसिशास्त्रविहरद्रेखङ्कितौ शौभनौ ।</l>
  <l>स्वर्लोकद्रुमपञ्चकं वितरणे तत्तत्तृषां तस्य त-</l>
  <l>त्पात्रालाभविशङ्कयाङ्गुलिमिषान्मन्ये विभात्यत्र हि ॥ १८ ॥</l>
</lg>

<lg n="20">
  <l>भूयास्तां भुजगाधिपाविव मुदे बाहू सदा मांसलौ</l>
  <l>कामाक्ष्युज्ज्वलनूत्नरत्नखचितस्वर्णाङ्गदालङ्कृतौ ।</l>
  <l>भावत्कौ मम देवि सुन्दरतरौ दूरीकृतद्वेषण-</l>
  <l>प्रोद्यद्बाहुबलौ जगत्त्रयनुतौ नम्रालिरक्षापरौ ॥ २० ॥</l>
</lg>

<lg n="22">
  <l>ग्रीवा कम्बुसमानसंस्थितिरसौ कान्त्येन्द्रनीलोपमा</l>
  <l>पायान्मामनिशं पुराणविनुते कामाक्षि भो तावकी ।</l>
  <l>नानारत्नविभूषणैः सुरुचिरा सौवर्णकैर्मौक्तिक-</l>
  <l>श्रेष्ठोद्गुम्भितमालया च विमला लावण्यपाथोनिधिः ॥ २२ ॥</l>
</lg>

<lg n="26">
  <l>नानासूनवितानसौरभपरिग्राहैकलोलालयः</l>
  <l>किं मां प्रत्यभियन्ति नेति कुपितं तप्त्वा तपो दुष्करम् ।</l>
  <l>नासीभूय तवातिसौरभवहं भूत्वाभितः प्रेक्षण-</l>
  <l>व्याजेन प्रियकप्रसूनमलिभिः कामाक्षि भात्याश्रितम् ॥ २६ ॥</l>
</lg>

<lg n="28">
  <l>सन्तोषं श्रुतिशष्कुलीयुगमिदं सद्रत्नशोभास्फुर-</l>
  <l>त्ताटङ्काढ्ययुगेन भाखररुचा संभूषितं तावकम् ।</l>
  <l>कामाक्ष्यद्य चरीकरीतु विमलज्योतिर्ममानारतं</l>
  <l>स्वाभ्याशस्थितगण्डभागफलकं संराजयज्ज्योतिषा ॥ २८ ॥</l>
</lg>

<lg n="29">
  <l>शीर्षं ते शिरसा नमामि सततं कामाक्ष्यहं सुन्दरं</l>
  <l>सूक्ष्मं तन्मधुपालिनीलकुटिलश्रीकुन्तलालङ्कृतम् ।</l>
  <l>सीमन्तं सुविभज्य तत्र विपुलश्रीमन्मणीन्द्राञ्चित-</l>
  <l>स्वर्णालङ्करणप्रभासुरुचिरं शीर्षण्यभूषायितम् ॥ २९ ॥</l>
</lg>

<lg n="30">
  <l>कामाक्षीश्वरि कोटिसूर्यनिभसद्वज्रादिरत्नाञ्चित-</l>
  <l>श्रीमन्मुग्धकिरीटभृद्वितरताद्धन्यं शिरस्तावकम् ।</l>
  <l>संपत्ति नितरां ममाम्ब मनुजाप्राप्यामिहानारतं</l>
  <l>लोकेऽमुत्र भवाभिधं च तिमिरं लूत्वा सदालिश्रितम् ॥ ३० ॥</l>
</lg>