Reports » शिवसङ्कल्पोपनिषत्

<lg n="1">
  <l>यज्जाग्रतो दूरमुदैति दैवं तदु सुप्तस्य तथैवैति ।</l>
  <l>दूरङ्गमं ज्योतिषां ज्योतिरेकं तन्मे मनः शिवसङ्कल्पमस्तु ॥ १ ॥</l>
</lg>
      

<lg n="2">
  <l>येन कर्माण्यपसो मनीषिणो यज्ञे कृण्वन्ति विदथेषु धीराः ।</l>
  <l>यदपूर्वं यक्षमन्तः प्रजानां तन्मे मनः शिवसङ्कल्पमस्तु ॥ २ ॥</l>
</lg>
      

<lg n="3">
  <l>यत्प्रज्ञानमुत चेतो धृतिश्च यज्ज्योतिरन्तरमृतं प्रजासु ।</l>
  <l>यस्मान्न ऋते किञ्चन कर्म क्रियते तन्मे मनः शिवसङ्कल्पमस्तु ॥</l>
</lg>
      

<lg n="4">
  <l>येनेदं भूतं भुवनं भविष्यत् परिगृहीतममृतेन सर्वम् ।</l>
  <l>येन यज्ञस्तायते सप्तहोता तन्मे मनः शिवसङ्कल्पमस्तु ॥ ४ ॥</l>
</lg>
      

<lg n="5">
  <l>यस्मिन्नृचः साम यजूंषि यस्मिन् प्रतिष्ठिता रथनाभाविवाराः ।</l>
  <l>यस्मिंश्चित्तं सर्वमोतं प्रजानां तन्मे मनः शिवसङ्कल्पमस्तु ॥ ५ ॥</l>
</lg>
      

<lg n="6">
  <l>सुषारथिरश्वानिव यन्मनुष्यान्नेनीयतेऽभीशुभिर्वाजिन इव ।</l>
  <l>हृत्प्रतिष्ठं यदजिरं जविष्ठं तन्मे मनः शिवसङ्कल्पमस्तु ॥ ६ ॥</l>
</lg>