Reports » शिवनामावल्यष्टकम्

<lg n="3">
  <l>हे नीलकण्ठ वृषभध्वज पञ्चवक्त्र</l>
  <l>लोकेश शेषवलय प्रमथेश शर्व ।</l>
  <l>हे धूर्जटे पशुपते गिरिजापते मां</l>
  <l>संसारदुःखगहनाज्जगदीश रक्ष ॥ ३ ॥</l>
</lg>

<lg n="4">
  <l>हे विश्वनाथ शिव शंकर देवदेव-</l>
  <l>गङ्गाधर प्रमथनायक नन्दिकेश ।</l>
  <l>बाणेश्वरान्धकरिपो हर लोकनाथ</l>
  <l>संसारदुःखगहनाज्जगदीश रक्ष ॥ ४ ॥</l>
</lg>

<lg n="5">
  <l>वाराणसीपुरपते मणिकर्णिकेश</l>
  <l>वीरेश दक्षमखकाल विभो गणेश ।</l>
  <l>सर्वज्ञ सर्वहृदयैकनिवास नाथ</l>
  <l>संसारदुःखगहनाज्जगदीश रक्ष ॥ ५ ॥</l>
</lg>

<lg n="6">
  <l>श्रीमन्महेश्वर कृपामय हे दयालो</l>
  <l>हे व्योमकेश शितिकण्ठ गणाधिनाथ ।</l>
  <l>भस्माङ्गराग नृकपालकलापमाल</l>
  <l>संसारदुःखगहनाज्जगदीश रक्षः ॥ ६ ॥</l>
</lg>

<lg n="7">
  <l>कैलासशैलविनिवास वृषाकपे हे</l>
  <l>मृत्युंजय त्रिनयन त्रिजगन्निवास ।</l>
  <l>नारायणप्रिय मदापह शक्तिनाथ</l>
  <l>संसारदुःखगहनाज्जगदीश रक्ष ॥ ७ ॥</l>
</lg>

<lg n="8">
  <l>विश्वेश विश्वभवनाशक विश्वरूप</l>
  <l>विश्वात्मक त्रिभुवनैकगुणाधिकेश ।</l>
  <l>हे विश्वनाथ करुणामय दीनबन्धो</l>
  <l>संसारदुःखगहनाज्जगदीश रक्ष ॥ ८ ॥</l>
</lg>

<lg n="9">
  <l>गौरीविलासभवनाय महेश्वराय</l>
  <l>पञ्चाननाय शरणागतकल्पकाय ।</l>
  <l>शर्वाय सर्वजगतामधिपाय तस्मै</l>
  <l>दारिद्र्यदुःखदहनाय नमः शिवाय ॥ ९ ॥</l>
</lg>