Reports » लक्ष्मीनृसिंहपञ्चरत्नम्

<trailer/>

<lg n="1">
  <l>त्वत्प्रभुजीवप्रियमिच्छसि चेन्नररिपूजां कुरु सततं</l>
  <l>प्रतिबिम्बालंकृतिधृतिकुशलो बिम्बालंकृतिमातनुते ।</l>
  <l>चेतोभृङ्ग भ्रमसि वृथा भवमरुभूमौ विरसायां</l>
  <l>भज भज लक्ष्मीनरसिंहानघपदसरसिजमकरन्दम् ॥</l>
</lg>

<lg n="2">
  <l>शुक्तौ रजतप्रतिभा जाता कटकाद्यर्थसमर्था चे-</l>
  <l>द्दुःखमयी ते संसृतिरेषा निर्वृतिदाने निपुणा स्यात् ।</l>
  <l>चेतोभृङ्ग भ्रमसि वृथा भवमरुभूमौ विरसायां</l>
  <l>भज भज लक्ष्मीनरसिंहानघपदसरसिजमकरन्दम् ॥</l>
</lg>

<lg n="3">
  <l>आकृतिसाम्याच्छाल्मलिकुसुमे स्थलनलिनत्वभ्रममकरोः</l>
  <l>गन्धरसाविह किमु विद्येते विफलं भ्राम्यसि भृशविरसेऽस्मिन् ।</l>
  <l>चेतोभृङ्ग भ्रमसि वृथा भवमरुभूमौ विरसायां</l>
  <l>भज भज लक्ष्मीनरसिंहानघपदसरसिजमकरन्दम् ॥ ३ ॥</l>
</lg>

<lg n="4">
  <l>स्रक्चन्दनवनितादीन्विषयान्सुखदान्मत्वा तत्र विहरसे</l>
  <l>गन्धफलीसदृशा ननु तेऽमी भोगानन्तरदुःखकृतः स्युः ।</l>
  <l>चेतोभृङ्ग भ्रमसि वृथा भवमरुभूमौ विरसायां</l>
  <l>भज भज लक्ष्मीनरसिंहानघपदसरसिजमकरन्दम् ॥ ४ ॥</l>
</lg>

<lg n="5">
  <l>तव हितमेकं वचनं वक्ष्ये शृणु सुखकामो यदि सततं</l>
  <l>स्वप्ने दृष्टं सकलं हि मृषा जाग्रति च स्मर तद्वदिति ।</l>
  <l>चेतोभृङ्ग भ्रमसि वृथा भवमरुभूमौ विरसायां</l>
  <l>भज भज लक्ष्मीनरसिंहानघपदसरसिजमकरन्दम् ॥ ५ ॥</l>
</lg>