Reports » कालभैरवाष्टकम्

<trailer/>

<lg n="1">
  <l>देवराजसेव्यमानपावनाङ्घ्रिपङ्कजं</l>
  <l>व्यालयज्ञसूत्रबिन्दुशेखरं कृपाकरम् ।</l>
  <l>नारदादियोगिवृन्दवन्दितं दिगम्बरं</l>
  <l>काशिकापुराधिनाथकालभैरवं भजे ॥ १ ॥</l>
</lg>

<lg n="2">
  <l>भानुकोटिभास्वरं भवाब्धितारकं परं</l>
  <l>नीलकण्ठमीप्सितार्थदायकं त्रिलोचनम् ।</l>
  <l>कालकालमम्बुजाक्षमक्षशूमक्षरं</l>
  <l>काशिकापुराधिनाथकालभैरवं भजे ॥ २ ॥</l>
</lg>

<lg n="3">
  <l>शूलटङ्कपाशदण्डपाणिमादिकारणं</l>
  <l>श्यामकायमादिदेवमक्षरं निरामयम् ।</l>
  <l>भीमविक्रमं प्रभुं विचित्रताण्डवप्रियं</l>
  <l>काशिकापुराधिनाथकालभैरवं भजे ॥ ३ ॥</l>
</lg>

<lg n="4">
  <l>भुक्तिमुक्तिदायकं प्रशस्तचारुविग्रहं</l>
  <l>भक्तवत्सलं स्थिरं समस्तलोकविग्रहम् ।</l>
  <l>निक्कणन्मनोज्ञहेमकिङ्किणीलसत्कटिं</l>
  <l>काशिकापुराधिनाथकालभैरवं भजे ॥ ४ ॥</l>
</lg>

<lg n="5">
  <l>धर्मसेतुपालकं त्वधर्ममार्गनाशकं</l>
  <l>कर्मपाशमोचकं सुशर्मदायकं विभुम् ।</l>
  <l>स्वर्णवर्णकेशपाशशोभिताङ्गनिर्मलं</l>
  <l>काशिकापुराधिनाथकालभैरवं भजे ॥ ५ ॥</l>
</lg>

<lg n="6">
  <l>रत्नपादुकाप्रभाभिरामपादयुग्मकं</l>
  <l>नित्यमद्वितीयमिष्टदैवतं निरञ्जनम् ।</l>
  <l>मृत्युदर्पनाशनं करालदंष्ट्रभूषणं</l>
  <l>काशिकापुराधिनाथकालभैरवं भजे ॥ ६ ॥</l>
</lg>

<lg n="7">
  <l>अट्टहासभिन्नपद्मजाण्डकोशसंततिं</l>
  <l>दृष्टिपातनष्टपापजालमुप्रशासनम् ।</l>
  <l>अष्टसिद्धिदायकं कपालमालिकाधरं</l>
  <l>काशिकापुराधिनाथकालभैरवं भजे ॥ ७ ॥</l>
</lg>

<lg n="8">
  <l>भूतसङ्घनायकं विशालकीर्तिदायकं</l>
  <l>काशिवासिलोकपुण्यपापशोधकं विभुम् ।</l>
  <l>नीतिमार्गकोविदं पुरातनं जगत्पतिं</l>
  <l>काशिकापुराधिनाथकालभैरवं भजे ॥ ८ ॥</l>
</lg>

<lg n="9">
  <l>कालभैरवाष्टकं पठन्ति ये मनोहरं</l>
  <l>ज्ञानमुक्तिसाधकं विचित्रपुण्यवर्धनम् ।</l>
  <l>शोकमोहलोभदैन्यकोपतापनाशनं</l>
  <l>ते प्रयान्ति कालभैरवाद्विसंनिधिं ध्रुवम् ॥ ९ ॥</l>
</lg>