Reports » जीवन्मुक्तानन्दलहरी

<lg n="10">
  <l>कदाप्याशावासाः क्वचिदपि च दिव्याम्बरधरः</l>
  <l>क्वचित्पञ्चास्योत्थां त्वचमपि दधानः कटितटे ।</l>
  <l>मनस्वी निःसङ्गः सुजनहृदयानन्दजनको</l>
  <l>मुनिर्न व्यामोहं भजति गुरुदीक्षाक्षततमाः ॥ १२ ॥</l>
</lg>

<lg n="1">
  <l>पुरे पौरान्पश्यन्नरयुवतिनामाकृतिमया-</l>
  <l>न्सुवेषान्स्वर्णालंकरणकलितांश्चित्रसदृशान् ।</l>
  <l>स्वयं साक्षाद्दृष्टेत्यपि च कलयंस्तैः सह रम-</l>
  <l>न्मुनिर्न व्यामोहं भजति गुरुदीक्षाक्षततमाः ॥ १ ।</l>
</lg>

<lg n="3">
  <l>कदाचित्प्रासादे क्वचिदपि च सौधेषु धनिनां</l>
  <l>कदा काले शैले क्वचिदपि च कूलेषु सरिताम् ।</l>
  <l>कुटीरे दान्तानां मुनिजनवराणामपि वस-</l>
  <l>न्मुनिर्न व्यामोहं भजति गुरुदीक्षाक्षततमाः ॥ ३ ॥</l>
</lg>

<lg n="4">
  <l>क्वचिद्बालैः सार्धं करतलगतालैः सहसितैः</l>
  <l>क्वचित्तारुण्यालंकृतनरवधूभिः सह रमन् ।</l>
  <l>क्वचिद्वृद्धैश्चिन्ताकुलितहृदयैश्चापि विलप-</l>
  <l>न्मुनिर्न व्यामोहं भजति गुरुदीक्षाक्षततमाः ॥ ४ ॥</l>
</lg>

<lg n="9">
  <l>कदाचिज्जागर्त्यां विषयकरणैः सव्यवहर-</l>
  <l>न्कदाचित्स्वप्नस्थानपि च विषयानेव च भजन् ।</l>
  <l>कदाचित्सौषुप्तं सुखमनुभवन्नेव सततं</l>
  <l>मुनिर्न व्यामोहं भजति गुरुदीक्षाक्षततमाः ॥ ९ ॥</l>
</lg>

<lg n="11">
  <l>कदाचित्सत्त्वस्थः क्वचिदपि रजोवृत्तिसुगत-</l>
  <l>स्तमोवृत्तिः क्वापि त्रितयरहितः क्वापि च पुनः ।</l>
  <l>कदाचित्संसारी श्रुतिपथविहारी क्वचिदहो</l>
  <l>मुनिर्न व्यामोहं भजति गुरुदीक्षाक्षततमाः ॥ ११ ॥</l>
</lg>

<lg n="13">
  <l>कदाचिच्छक्तीनां विकचमुखपद्मेषु कमलं</l>
  <l>क्षिपंस्तासां क्वापि स्वयमपि च गृह्णन्स्वमुखतः ।</l>
  <l>तदद्वैतं रूपं निजपरविहीनं प्रकटय-</l>
  <l>न्मुनिर्न व्यामोहं भजति गुरुदीक्षाक्षततमाः ॥ १३ ॥</l>
</lg>

<lg n="14">
  <l>क्वचिच्छेवैः सार्थं क्वचिदपि च शाक्तैः सह वस-</l>
  <l>न्कदा विष्णोर्भक्तैः क्वचिदपि च सौरैः सह वसन् ।</l>
  <l>कदा गाणापत्यैर्गतसकलभेदोऽद्वयतया</l>
  <l>मुनिर्न व्यामोहं भजति गुरुदीक्षाक्षततमाः ॥ १४ ॥</l>
</lg>