Reports » दशश्लोकीस्तुतिः

<lg n="2">
  <l>विष्ण्वाद्याश्च पुरत्रयं सुरगणा जेतुं न शक्ताः स्वयं</l>
  <l>यं शंभुं भगवन्वयं तु पशवोऽस्माकं त्वमेवेश्वरः ।</l>
  <l>स्वस्वस्थाननियोजिताः सुमनसः स्वस्था बभूवुस्तत-</l>
  <l>स्तस्मिन्मे हृदयं सुखेन रमतां साम्बे परब्रह्मणि ॥ २ ॥</l>
</lg>

<lg n="3">
  <l>क्षोणी यस्य रथो रथाङ्गयुगलं चन्द्रार्कबिम्बद्वयं</l>
  <l>कोदण्डः कनकाचलो हरिरभूद्बाणो विधिः सारथिः ।</l>
  <l>तूणीरो जलधियाः श्रुतिचयो मौर्वी भुजंगाधिप-</l>
  <l>स्तस्मिन्मे हृदयं सुखेन रमतां साम्बे परब्रह्मणि ॥ ३ ॥</l>
</lg>

<lg n="5">
  <l>गोविन्दादधिकं न दैवतमिति प्रोच्चार्य हस्तावुभा-</l>
  <l>वुद्धृत्याथ शिवस्य संनिधिगतो व्यासो मुनीनां वरः ।</l>
  <l>यस्य स्तम्भितपाणिरानतिकृता नन्दीश्वरेणाभव-</l>
  <l>त्तस्मिन्मे हृदयं सुखेन रमतां साम्बे परब्रह्मणि ॥ ५ ॥</l>
</lg>

<lg n="6">
  <l>आकाशश्चिकुरायते दशदिशाभोगो दुकूलायते</l>
  <l>शीतांशुः प्रसवायते स्थिरतरानन्दः स्वरूपायते ।</l>
  <l>वेदान्त निलयायते सुविनयो यस्य स्वभावायते</l>
  <l>तस्मिन्मे हृदयं सुखेन रमतां साम्बे परब्रह्मणि ॥ ६ ॥</l>
</lg>

<lg n="7">
  <l>विष्णुर्यस्य सहस्रनामनियमादम्भोरुहाण्यर्चय-</l>
  <l>न्नेकोनोपचितेषु नेत्रकमलं नैजं पदाब्जद्वये ।</l>
  <l>संपूज्यासुरसंहतिं दिविलयंस्त्रैलोक्यपालोऽभव-</l>
  <l>त्तस्मिन्मे हृदयं सुखेन रमतां साम्बे परब्रह्मणि ॥ ७ ॥</l>
</lg>