Reports » बाष्कलमन्त्रोपनिषत्

<l>कुहेव मावशमितो नयाtai कुहेव ते चित्रतमप्रतिष्ठा ।</l>
        

<l>हंसो विशोको अजर: पुराण ऋतीयमानो अहमस्मि नाम ॥ २४ ॥</l>
      

<lg n="1">
  <l>मेधातिथिं काण्वमिन्द्रो जहार द्या मेषभूयोपगतो विदानः ।</l>
  <l>तमन्य इत्तमनं परिप्राट् पद एनं नियुयुजे परस्मिन् ॥ १ ॥</l>
</lg>
      

<lg n="2">
  <l>को ह स्मैष भवसि व्यवायो नावायो म इह शश्वदस्ति ।</l>
  <l>सुशेवमिच्चक्रमसि प्रपश्यन्नित्था न कश्चोरणमाचचक्षे ॥ २ ॥</l>
</lg>
      

<lg n="3">
  <l>नेमामस्पृक्षदिदुदस्यमानः को अद्धामूमभिचङ्क्रमीति ।</l>
  <l>तदिच्छाधि यो असि सर्ववित्तमो न त्वाश्नवद्ब्रह्म रिषा मयस्वि ॥</l>
</lg>
      

<lg n="4">
  <l>इन्द्रो नृचक्षा वृषभस्तुराषाट् प्रसासहिस्तपसा मा विचक्षे ।</l>
  <l>स इद्देव ऋतमन्वयन्तं प्रभीमकर्मा तवसोऽपविद्धात् ॥ ४ ॥</l>
</lg>
      

<lg n="5">
  <l>कुहेव मावशमितो नयाtai कुहेव ते चित्रतमप्रतिष्ठा ।</l>
  <l>कुहाचिदेष स्वपिता पिता नो यो न वेद न हृतं हरन्तम् ॥ ५ ॥</l>
</lg>
      

<lg n="6">
  <l>प्रत्यङ्ङवाङ्प्राङितरौ च नेह नाहमेनाननुपतस्थिरद्धा ।</l>
  <l>न मामिमे नूनमित्था पथो विदुर्ये मा न यन्ति मिथु चाकशानाः ॥</l>
</lg>
      

<lg n="7">
  <l>परः स्मियानो अविवरस्य शूकं किं सीमिच्छरणं मन्यमानः ।</l>
  <l>न ह त्वाहमप्रणीय स्वविष्ठामित्था जहामि शपमानमिन्नु ॥ ७ ॥</l>
</lg>
      

<lg n="8">
  <l>अहमस्मि जरितॄणामु दावा अहमाशिरमहमिदं दधग्वान् ।</l>
  <l>अहं विश्वा भुवना विचक्षन्नहं देवानामासन्नवोऽदः ॥ ८ ॥</l>
</lg>
      

<lg n="9">
  <l>मम प्रतिष्ठा भुव आण्डकोशा वि चैमि सं च हि नु यो विरश्पी ।</l>
  <l>अहं वहिं पर्वते शिश्रियाणमुग्रो न्वहं तवसावस्युरद्धा ॥ ९ ॥</l>
</lg>
      

<lg n="10">
  <l>प्रवङ्क्षणा अभिदं पर्वतानां यत्सीमिन्द्रो अकरोदनीकैः ।</l>
  <l>को अद्धा वेद क इह प्रवोचत् को अश्नवदभिमातिं विजघ्नुषः ॥</l>
</lg>
      

<lg n="11">
  <l>को मे अवो दाशुषो विष्वगूतीरित्था ददश्रे भुवनाधि विश्वा ।</l>
  <l>रूपं रूपं जनुषा बोभवीमि मायाभिरेको अभिचाकशानः ॥ ११ ॥</l>
</lg>
      

<lg n="12">
  <l>विश्वं विचक्षे यमयन्नभीको नेशे मे कश्च महिमानमन्यः ।</l>
  <l>अहं द्यावापृथिवी आततानो बिभर्मि धर्ममवसे जनानाम् ॥ १२ ॥</l>
</lg>
      

<lg n="13">
  <l>अहमु ह प्रवतिं यज्ञियामियां</l>
  <l>अहं वेद भुवनस्य नाभिम् ।</l>
  <l>आपिः पिता सूरहमस्य विष्वङ्</l>
  <l>अहं दिव्या आन्तरिक्ष्यास्तुका वहम् ॥ १३ ॥</l>
</lg>
      

<lg n="14">
  <l>अहं वेदानामुत यज्ञानामहं छन्दसामविदं रयीणाम् ।</l>
  <l>अहं पचामि सरसः परस्य यदिदेतीव सरिरस्य मध्ये ॥ १४ ॥</l>
</lg>
      

<lg n="15">
  <l>अहमिन्नु परमो जातवेदा यमध्वर्युरभिलोकं पृणैधीत् ।</l>
  <l>यमन्वाह नभसो न पक्षी काष्ठा भिन्दन् गोभिरितोऽमुतश्च ॥ १५ ॥</l>
</lg>
      

<lg n="16">
  <l>अहमु यन्नपतता रथेन द्विषडारेण प्रधिनैकचक्रः ।</l>
  <l>अहमिन्नु दिद्युतानो दिवे दिवे तन्वं पुपुष्यानमृतं वहामि ॥ १६ ॥</l>
</lg>
      

<lg n="17">
  <l>अहं दिशः प्रदिश आदिशश्च विष्वक् पुनानः पर्येमि लोकम् ।</l>
  <l>अहं विश्वा ओषधीर्गर्भ आधां याभिरिदं विनुयुर्दाशुषः प्रजाः ॥</l>
</lg>
      

<lg n="18">
  <l>अहं चरामि भुवनस्य मध्ये पुनरुच्चावचं व्यश्नुवानः ।</l>
  <l>यो मा वेद निहितं गुहा चित् स इदित्था बोभवीदाशयध्यै ॥ १८ ॥</l>
</lg>
      

<lg n="19">
  <l>अहं पञ्चधा दशधा चैकधा च सहस्रधा नैकधा चासमत्र ।</l>
  <l>मया ततमितीदमश्नुते तदन्यथासद्यदि मे असद्विदुः ॥ १९ ॥</l>
</lg>
      

<lg n="20">
  <l>न मामश्नोति जरिता न कश्चन न मामश्नोति परि गोभिराभिः ।</l>
  <l>न मेऽनाश्वानुत दाश्वानजग्रभीत् सर्व इन्मामुपयन्ति विश्वतः ॥</l>
</lg>
      

<lg n="21">
  <l>क्व शरारुः क्व सृमरः क्व नूरणः सर्वमिदं त्वत्त्वदितो वहामि ।</l>
  <l>यन्मदिमे बिभ्यति तन्म एकं ते मे अक्षन्नहमु ताननुक्षम् ॥ २१ ॥</l>
</lg>
      

<lg n="22">
  <l>यत्तप्यथा बहुधा मे पुरा चित्तन्नु भुवेऽहमुरणो बोभुवे ।</l>
  <l>ऋतस्य पन्थामसि हि प्रपन्नोऽयसे स मे सत्यमिदेकमेहि ॥ २२ ॥</l>
</lg>
      

<lg n="24">
  <l>विश्वशास्ता विधरणो विश्वरूपो रुद्रः प्रणीती तमनः प्रजापतिः ।</l>
  <l>हंसो विशोको अजर: पुराण ऋतीयमानो अहमस्मि नाम ॥ २४ ॥</l>
</lg>
      

<lg n="25">
  <l>अहमस्मि जरिता सर्वतोमुखः पर्यारणः परमेष्ठी नृचक्षाः ।</l>
  <l>अहं विष्वङ्ङहमस्मि प्रसत्वानहमेकोऽस्मि यदिदं नु किं च ॥</l>
</lg>