<lg n="1">
  <l>भवानि स्तोतुं त्वां प्रभवति चतुर्भिर्न वदनैः</l>
  <l>प्रजानामीशानस्त्रिपुरमथनः पञ्चभिरपि ।</l>
  <l>न षड्भिः सेनानीर्दशशतमुखैरप्यहिपति-</l>
  <l>स्तदान्येषां केषां कथय कथमस्मिन्नवसरः ॥ १ ॥</l>
</lg>

<lg n="9">
  <l>प्रभूता भक्तिस्ते यदपि न ममालोलमनस-</l>
  <l>स्त्वया तु श्रीमत्या सदयमवलोक्योऽहमधुना ।</l>
  <l>पयोदः पानीयं दिशति मधुरं चातकमुखे</l>
  <l>भृशं शङ्के कैर्वा विधिभिरनुनीता मम मतिः ॥ ९ ॥</l>
</lg>

<lg n="13">
  <l>त्वदन्यस्मादिच्छाविषयफललाभे न नियम-</l>
  <l>स्त्वमज्ञानामिच्छाधिकमपि समर्था वितरणे ।</l>
  <l>इति प्राहुः प्राञ्चः कमलभवनाद्यास्त्वयि मन-</l>
  <l>स्त्वदासक्तं नक्तंदिवमुचितमीशानि कुरु तत् ॥ १३ ॥</l>
</lg>

<lg n="14">
  <l>स्फुरन्नानारत्नस्फटिकमयभित्तिप्रतिफल-</l>
  <l>त्वदाकारं चञ्चच्छशधरकलासौधशिखरम् ।</l>
  <l>मुकुन्दब्रह्मेन्द्रप्रभृतिपरिवारं विजयते</l>
  <l>तवागारं रम्यं त्रिभुवनमहाराजगृहिणि ॥ १४ ॥</l>
</lg>

<lg n="19">
  <l>विशालश्रीखण्डद्रवमृगमदाकीर्णघुसृण-</l>
  <l>प्रसूनव्यामिश्रं भगवति तवाभ्यङ्गसलिलम् ।</l>
  <l>समादाय स्रष्टा चलितपदपांसून्निजकरैः</l>
  <l>समाधत्ते सृष्टिं विबुधपुरपङ्केरुहदृशाम् ॥ १९ ॥</l>
</lg>