सुभाषितनीवी /119

2026-01-16 13:41:05 by ambuda-bot

This page has not been fully proofread.

परीक्षित पद्धतिः ।

१०१

कति वा दिनानि वद पर्यचिनो-

त्कलशसुतः कबलयन् जलधिम् ॥ ११ ॥

विधिमिति । विहगेन हंसेन, विधिमन्तरेण दैवयनं विना,
पयसोः क्षीरनीरयोः, विवेकविधिः विविच्यग्रहणम्, कुतोऽशिक्ष्यत
अभ्यस्तः, न कुतश्चिदपीत्यर्थः । कलशीसुतः अगस्त्यो वा जलधिं
कबलयन् कबलनार्थे कतिवा दिनानि पर्यचिनोत् परिचयमकार्षीत् ।
वदेति परिचयाद्यभावप्रकटनार्थः ॥ ११ ॥

परिशुद्धविद्य एव श्रेयानित्याह-

एकयाsपि कलया विशुद्धया

योऽपि कोऽपि भजते गिरीशताम् ।

भूयसीरपि कलाः कलङ्किताः

प्राप्य कश्चिदपचीयते शनैः ॥ १२ ॥

इति श्रीकवितार्किक सिंहस्य सर्वतन्त्रस्वतन्त्रस्य
श्रीमद्वेङ्कटनाथस्य वेदान्ताचार्यस्य

कृतिषु सुभाषितनीव्यां

परीक्षित पद्धतिः

द्वादशी ।

सैषा सुभाषितानां माला महनीयवर्णवृत्तगुणा ।

भावुकसङ्गथारूढा प्रियपद्धतिभूषिता जयति ॥