<page>
<ignore>श्रीशिवोत्कर्षसाक्षिपञ्चकम्
 
</ignore>
<verse>मुक्तामणीमहास्रक्ततोद्यद्देह-
 

दिक्ताण्डवोत्सव सक्तचतुराङ्ग <add>(?)</add> ॥ ३ ॥
 
</verse>
<verse>पावनाकार पुलपर्तिगोपालसख
 

गोवाहन भुजङ्ग कुलविभूष ।

भावभवहरण मां पालय कृपानिधे

कोविदस्तवपात्र गुम्पपुरिसोमेश ॥ ४ ॥
</verse>
<trailer>॥ इति श्रीशिवस्तोत्रम् ॥
 
</trailer>
<title text="6_START">६. ॥ अथ श्रीशिवोत्कर्षसाक्षिपश्ञ्चकम् ॥
 
</title>
<verse>गायत्रीवल्लभत्वाद्दशरथतनयस्थापिताराधितत्वात्
 

शौरेः कैलासयात्रात्रव्रतमुदिततयाभीष्टसन्तानदानात् ।

नेत्रेण स्वेन साकं दशशत कमलैर्विष्णुना पूजितत्वात्

तस्मै चक्रप्रदानादपि च पशुपतिः सर्वदेवप्रकृष्टः ॥ १ ॥
</verse>
<verse>कन्दर्पध्वंसकत्वाद्गरलकबलनात् कालगर्वापहृत्त्वात्

दैतेयावास भूतत्रिपुरविदलनाद्दक्षयागे जयित्वात् ।

पार्थस्य स्वास्त्रदानान्नरहरिविजयान्माधवे स्त्रीशरीरे
 

शास्तुः सम्पादकत्व<error>त्व</error><fix>त्वा</fix>दपि च पशुपतिः सर्वदेवप्रकृष्टः ॥ २ ॥
</verse>
<verse>वाराणस्यां च पाराशरिनियमिभुजस्तम्भनात् प्राक्पुराणां

प्रध्वंसे केशवेनाश्रितवृषवपुषा धारितक्ष्मातलत्वात् ।

अस्तोकैर्ब्रह्म शीर्ष र षैरनिशगलगतालङ्कृताऽऽभूषितत्वात्

दानात् प्रज्ञानमुक्त्योरपि च पशुपतिः सर्वदेवप्रकृष्टः ॥ ३ ॥
</verse>
<verse>भूमौ लोकैरनेकैः सततविरचिताराधितत्वादमीषा-
मै
मष्टैश्वर्यप्रदानाद्दशविधवपुषा केशवेनार्चितत्वात् ।

हंसक्रोडाङ्गधारिद्रुहिण मुरहरान्विष्टशीर्षाङ्घ्रिकत्वात्

जन्मध्वंसाद्यभावादपि च पशुपतिः सर्वदेवप्रकृष्टः ॥ ४ ॥
</verse>
<verse>वैशिष्ट्ये योनिपीठायितमुररिपुसंश्लिष्टभावेन शम्भोः

स्वस्यैकार्धप्रतीकायितहरिवपुषालिङ्गितत्वेन यद्वा ।

अप्राधान्याद्विशिष्टाद्वयसमधिगमे दानवानामरातेः

शम्भोरुत्कृष्टभावादपि च पशुपतिः सर्वदेवप्रकृष्टः ॥ ५ ॥
</verse>
<trailer text="6_END">॥ इति श्रीशिवोत्कर्ष साक्षिपञ्चकं सम्पूर्णम् ॥
 
५१
 
</trailer>
</page>