Stotrarnava /778

2026-04-03 16:54:27 by ambuda-bot

This page has not been fully proofread.

७३२

अनुबन्धः I

यो देवकीजठरतो वसुदेवसूनु-
र्भूदेवतागुरुभरं परिहर्तुकामः ।
वेदेषु गीतविभवोऽवततार संप्र-

पेदे त्रजं तदनु नन्दगृहेऽपि वृद्धः ॥ १०८ ॥

नानाविधानवनिपीडनकार को -

सेनात्मसंभवमुखान् विनिहत्य भूमिम् ।
दीनामनुग्रहभरेण चकार हृष्टां

यो नायको व्रजकुलस्य स पातु कृष्णः ॥ १०९ ॥

वाहाधिरूढ उररीकृतखड्गपाणि

-

महाविलान् कलिविजृम्भितकल्मष।व्यान् ।
यो हा हनिष्यति हि विष्णुयशस्तनूजो

नीहारभानुवदनोऽवतु नः स कल्की ॥ ११० ॥

श्रीवादिभीतिकर नामगुरोः कुदृष्टि-

नीवारजालशमनस्य तनूभवेन ।

सेवा कृतास्य रचितेयमहो स्तुतिर्भू-

देवाभिनन्दनकरेण वृषाचलेशा ॥ १११ ॥

॥ इति श्री प्रतिवादिभयङ्करवेङ्कटेशविरचितं

दशावतारस्तोत्रं सम्पूर्णम् ॥